"အလှတရားဆိုတာ ကြည့်သူရဲ့အမြင်ပေါ်မှာပဲမူတည်တယ်" ဆိုတဲ့စကားကို ယုံကြည်ပါတယ်။

https://www.youtube.com/watch?v=SDiIypwEJxY

ဒါကြောင့်ပဲ တခြားသူတွေရဲ့အမြင်မှာ တင့်တယ်လှပနေစေဖို့ လူတွေဟာ သူတို့ရဲ့ မြောက်များစွာသော အချိန်တွေ ငွေတွေ စွမ်းအင်တွေကို သုံးစွဲနေကြတာမဟုတ်လား။

အကောင်းဆုံးတွေကိုသာ လူတိုင်းလိုချင်ကြတာမို့ မိမိကိုယ်ကိုလဲ ကြည့်အကောင်းဆုံးဖြစ်အောင်ဖန်တီးလိုကြတာပါပဲ။ ဒါပေမယ့် အကောင်းဆုံးဆိုလို့ ဈေးအရမ်းကြီးတဲ့ အလှအပဆိုင်ရာခွဲစိတ်ကုသမှုတွေ ဆေးဝါးတွေကို သင့်မျက်စိထဲမြင်ယောင်မသွားပါနဲ့။ သဘာဝအတိုင်းပဲ အကောင်းဆုံးရလဒ်ကိုဖန်တီးပေးနိုင်တဲ့ နည်းလမ်းကောင်းတွေအများကြီးရှိပါတယ်။ ဒါကြောင့် မေးနှစ်ထပ်ဖြစ်နေတာကို မခွဲမစိတ်ပဲ ဆေးမစားပဲ သဘာဝအတိုင်းပဲ လှပသွားအောင်လုပ်နိုင်တဲ့နည်းရှိတယ်ဆိုပါလျှင်။ စိတ်ဝင်စားရင် ဒီစာကိုဆက်ပြီးဖတ်ကြည့်သင့်ပါတယ်။ သူငယ်ချင်းတွေမှာ မေးနှစ်ထပ်ရှိနေတယ်ဆိုလဲ သူသိသွားအောင် လက်တို့လိုက်ပါဦး။

အွန်လိုင်းဆေးပညာဝက်ဘ်ဆိုက်တစ်ခုဖြစ်တဲ့ HealthGuideHQ.com ရဲ့အဆိုအရ "မေးစေ့လေ့ကျင့်ခန်းလုပ်ပေးရုံနဲ့ မေးအောက်ပိုင်းနဲ့ လည်ပင်းက အဆီပိုတွေကိုဖယ်ရှားပေးနိုင်ပါသတဲ့"။ လေ့ကျင့်ခန်းတွေဟာ ဘယ်လောက်တောင်လွယ်ကူသလဲဆိုရင် အိမ်မှာ အသာအယာထိုင်ပြီးလုပ်လို့ရအောင်ကိုလွယ်ကူပါတယ်။ လေ့လာကြည့်လိုက်ကြရအောင်လား။

၀၁. အနမ်းခြွေခြင်း


☆ ချစ်သူကိုမဟုတ်ပါဘူး ၊ မျက်နှာကျက်ကိုပါ။
☆ မတ်တပ်ရပ်နေစဉ် သင့်ခေါင်းကိုအနောက်သို့လှန်ပြီး အပေါ်ကိုမော့လိုက်ပါ။
☆ သင့်နှုတ်ခမ်းကိုစူပြီး မျက်နှာကျက်ကို အနမ်းခြွေပါ။
☆ ငါးစက္ကန့်အထိ အနမ်းကိုမပြတ်စေပဲထိန်းထားပြီးလျှင် နှုတ်ခမ်းကိုမူလအနေအထား ခေါင်းကိုမူလအနေအထားသို့ ပြန်ပြောင်းပါ။
☆ ဤအတိုင်း ၁၅ ကြိမ်ပြုပေးရပါမယ်။

၀၂. လျှာအရှေ့သို့ထုတ်ပြူခြင်း


☆ မိမိရှေ့တည့်တည့်ကိုမျက်နှာမူထားပြီး ပါးစပ်ကိုအကျယ်ဆုံးဟလိုက်ပါ။
☆ အမှတ်စဉ် ၁ မှ ၅ အထိစိတ်ထဲမှရေပြီး လျှာကိုထုတ်နိုင်သမျှအနေအထားထိ ဖြည်းညှင်းစွာထုတ်ပါ။
☆ အမှတ်စဉ် ၁ မှ ၅ အထိရေပြီး လျှာကိုဖြည်းညှင်းစွာပြန်သွင်းပါ။
☆ ဤအနည်းအတိုင်း ၁၀ ကြိမ်ပြုပေးရပါမယ်။

၀၃. မေးရှေ့ထုတ်ခြင်း


☆ သင့်ခေါင်းကိုအနောက်သို့လှန်ပြီး အပေါ်ကိုမော့လိုက်ပါ။
☆ မေးစေ့အောက်ဘက်တွင် တင်းမာသောခံစားမှုကိုရသည်အထိ အောက်မေးရိုးကိုရှေ့သို့ထုတ်ပါ။
☆ အမှတ်စဉ် ၁ မှ ၁၀ အထိရေပြီး မေးရိုးကိုရှေ့ထုတ်ထားသည်အတိုင်းထိန်းထားပါ။
☆ ထို့နောက် မေးရိုးကိုမူလအနေအထား ခေါင်းကိုမူအနေအထားသို့ ပြန်ပြောင်းပါ။
☆ ဤနည်းအတိုင်း ၁၀ ကြိမ်ပြုပေးရပါမယ်။

၀၄. လည်ပင်းလှည့်ခြင်း


☆ မတ်တပ်ရပ်နေစဉ် သင့်မေးစေ့ကို ရင်ဘတ်ဆီသို့ နိမ့်နိုင်သမျှအနေအထားအထိ ငိုက်ချလိုက်ပါ။
☆ ခေါင်းကို ညာဘက်သို့ဖြည်းညှင်းစွာလှည့်ပါ။
☆ အမှတ်စဉ် ၁ မှ ၅ အထိ ထိန်းထားပြီးနောက် မူလငိုက်ချထားသည့်အနေအထားသို့ ဖြည်းညှင်းစွာပြန်ပြောင်းပါ။
☆ ယခင်နည်းအတိုင်း ခေါင်းကိုဘယ်ဘက်သို့ဖြည်းညှင်းစွာလှည့်ပါ။
☆ အမှတ်စဉ် ၁ မှ ၅ အထိ ထိန်းထားပါ။
☆ မူလငိုက်ချထားသည့်အနေအထားသို့ ဖြည်းညှင်းစွာပြန်ပြောင်းပါ။
☆ မေးစေ့အောက်တွင် တင်းမာသောခံစားမှု မပြတ်ဖြစ်ပေါ်နေစေရန်သတိပြုပါ။
☆ ဤနည်းအတိုင်း စက္ကန့် ၃၀ ပြုပါ။

၀၅. လျှာနှင့်သွားထိကပ်လျက် အသက်ရှုသွင်း/ထုတ်ခြင်း


☆ ခါးကိုမတ်လျက်အနေအထားတွင် သင့်ပါးစပ်ကို ကျယ်နိုင်သမျှကျယ်အောင်ဟထားပါ။
☆ သင်၏လျှာဖျားနှင့် အောက်သွား၏အတွင်းဘက်မျက်နှာပြင်ကို တွန်းကန်ထားပါ။
☆ သင်၏ ပါးစပ်မှတစ်ဆင့် အသက်ပြင်းပြင်းရှုသွင်းပါ။
☆ "အာ" ဟုအသံထွက်ပြီး အသက်ကို ပါးစပ်မှပင် ပြန်လည်ရှုထုတ်ပါ။
☆ ဤနည်းအတိုင်း တစ်မိနစ်ပြုပါ။
☆ ပါးစပ်နှင့်လျှာကိုအနားပေးပြီး နောက်တစ်မိနစ်ဆက်လက်ပြုလုပ်ပါ။

၀၆. မေးစေ့အောက် ဖြည်းညှင်းစွာရိုက်ခြင်း


☆ မိမိရှေ့တည့်တည့်ကိုမျက်နှာမူထားပြီး မေးအောက်သို့ သင့်လက်ချောင်းကလေးများ၏အနောက်ဖက်မျက်နှာပြင်နှင့် ဖြည်းညှင်းစွာရိုက်ပေးပါ။
☆ ရိုက်သောအားကို မပျော့လွန်း မပြင်းလွန်းစေရန်ဂရုပြုပါ။
☆ ရိုက်သောအကြိမ်အရေအတွက်တို့၏ အကွာအဝေးကို တစ်သမတ်တည်းဖြစ်စေရန် (အချက်မှန်မှန်ဖြစ်စေရန်) လဲသတိပြုပါ။
☆ ဤနည်းအတိုင်း စက္ကန့် ၃၀ ပြုပါ။

၀၇. လဲလျက် ဦးခေါင်းမတင်/ပြန်ချခြင်း


☆ အိပ်ယာခင်းတွင်ဖြစ်စေ ကုတင်နှင့်ဖြစ်စေလဲလျောင်းရင်း သင်၏မျက်နှာကို အပေါ်ဘက်သို့မူ၍ထားပါ။
☆ ဦးခေါင်းကို အခင်း/ကုတင်နှင့်မထိအောင်ထားပါ။
☆ ထို့နောက် ဦးခေါင်းကို ရင်ဘက်ဆီသို့ဖြည်းညှင်းစွာ မ တင်လိုက်ပါ။
☆ သင်၏ ပုခုံးနှင့်ကျောပြင်ကို အခင်း/ကုတင်မှ ကြွတက်မလာစေရန်သတိပြုပါ။
☆ ဦးခေါင်းကို ရင်ဘက်ဆီသို့ မ တင်လျက်သားနှင့် ၁၀ စက္ကန့်ထိန်းထားပါ။
☆ ထို့နောက် မူလအနေအထားသို့ ဖြည်းညှင်းစွာပြန်ချပါ။
☆ ဤနည်းအတိုင်း ၂ ကြိမ်ပြုပါ။

အထက်ပါနည်းလမ်းတို့သည် နေ့စဉ် သင်၏အားလပ်ချိန်တို့မှ ၁၀ မိနစ်ခန့်ပေးလျှင် အဆင်ပြေနိုင်၍ သဘာဝအတိုင်း မေးနှစ်ထပ်ဖြစ်ခြင်းမှပြေလျော့စေနိုင်ပါသည်။ လက်တွေ့ပြု၍ လှပသောလူနေမှုဘဝများကို ပိုင်ဆိုင်နိုင်ကြပါစေ။

ညိုမောင်
#ChelmoTeam
Credit Photo. littlethings.com