မိန်းကလေးတိုင်းကတော့ မလှချင်တဲ့သူမရှိပါဘူး။ ဂါဝန်တိုလေးတွေဝတ်ရင်ပဲ ဖြစ်ဖြစ်၊ စကပ်တိုလေးတွေဝတ်ရင်ပဲ ဖြစ်ဖြစ် ဒူးခေါင်းလေးတွေ ဖြူဖွေးနေတာကို မိန်းကလေးတိုင်းလိုချင်ကြပါတယ်။ အဲ့တော့ ကိုယ့်အိမ်မှာပဲ အိမ်သုံး ပစ္စည်းလေးတွေနဲ့ ဖြူဖွေးတဲ့ ဒူးခေါင်း တံတောင်စစ် လေးတွေရအောင် ဘယ်လိုလုပ်ရမလဲဆိုတာကို ဖော်ပြပေးလိုက်ပါတယ်။

သခွားသီး

သခွားသီးက ညိုမဲတဲ့ ဒူးခေါင်း တံတောင်စစ် တွေကို ဖယ်ရှားဖို့ အကောင်းဆုံး နည်းလမ်းဖြစ်ပါတယ်။ သခွားသီးက ဆဲလ် အသေတွေကို ဖယ်ရှားပေးပြီး ရေဓာတ်အပြည့်အဝပေးပါတယ်။ သခွားသီးမှာ ဗီတာမင် A နဲ့ C ပါဝင်တဲ့ အတွက်ကြောင့် အသားအရေ လှပစေပြီး အေးမြစေပါတယ်။ သခွားသီးကို ပါးပါးလှီးပြီး ဒူးခေါင်း နဲ့ တံတောင်စစ် ပေါ်မှာ ကပ်ထားပေးပါ။ ၅ မိနစ်ပြည့်ရင် ရေအေး နဲ့ ဆေးချလိုက်ပါ။
နောက်ထပ်တစ်မျိုးအနေနဲ့ သခွားသီးရည် နဲ့ သံပုရာရည်ကို ရောပြီး ဒူးခေါင်း နဲ့ တံတောင်စစ် ပေါ်မှာလိမ်းပေးပါ။ ချိုင်းမှာလဲ လိမ်းလို့ရပါတယ်။ မိနစ် ၂၀ ပြည့်ရင် ရေဆေးချလိုက်ပါ။ နေ့စဉ်ပြုလုပ်ပေးရင် အကောင်းဆုံး ရလဒ်ကို ရလာမှာ ဖြစ်ပါတယ်။

သံပုရာသီး နဲ့ မုန့်ဖုတ်ဆိုဒါ

သံပုရာသီးက အရေပြားကို ကြည်လင်စေတဲ့ အစွမ်းဓာတ်ကို ပေးပါတယ်။ သံပုရာသီးမှာဆိုရင် antioxidants နဲ့ ဗီတာမင် C ပါဝင်ပါတယ်။ မုန့်ဖုတ်ဆိုဒါက ညိုမဲတဲ့ နေရာတွေကို နူးညံ့ ဖြူဖွေးစေပါတယ်။
သံပုရာသီးကို နှစ်ခြမ်းလှီးပါ။ မုန့်ဖုတ်ဆိုဒါ စားပွဲတင်ဇွန်း ၁ ဇွန်းကို သံပုရာသီးပေါ်တင်ပြီး ဒူးခေါင်း နဲ့ တံတောင်စစ်နေရာတွေကို ၁ မိနစ် ပွတ်တိုက်ပေးပါ။ ၁၅ မိနစ်ထားပြီး ရေနွေးနဲ့ဆေးချလိုက်ပါ။ နှစ်ရက်တစ်ခါပြုလုပ်ပေးရင် ဖြူဖွေးတဲ့ ဒူးခေါင်း တံတောင်စစ်လေးတွေ အမြန်ဆုံး ရရှိနိုင်မှာဖြစ်ပါတယ်။

ရှားစောင်းလက်ပက်နဲ့ နွားနို့

ရှားစောင်းလက်ပက်က အရေပြားကိုနူးညံ့ ကြည်လင်စေပြီး မညီညာတဲ့ အသားအရည်အတွက် ကောင်းမွန်စေပါတယ်။ ဘက်တီးရီးယားများနဲ့ မှိုဖြစ်ခြင်းကို ဆန့်ကျင်တဲ့ ဂုဏ်သတ္တိလည်းရှိပါတယ်။ ရှားစောင်းလက်ပက်နဲ့ နွားနို့ ပေါင်းစပ်ခြင်းက အသားအရေကို သဘာဝအတိုင်း ကြည်လင်စေပါတယ်။
နွားနို့ နဲ့ ရှားစောင်းလက်ပက်ကို ပမာဏအတူတူရောပြီး မွှေလိုက်ပါ။ ဒူးခေါင်း နဲ့ တံတောင်စစ်နေရာတွေကို လိမ်းပြီး တစ်ည ထားလိုက်ပါ။ နောက်နေ့မနက်မှာ ရေနဲ့ဆေးချလိုက်ပါ။
နောက်တစ်နည်းအားဖြင့် ရှားစောင်းလက်ပက် အနှစ်ကို ဒူးခေါင်း နဲ့ တံတောင်စစ်နေရာတွေမှာ မိနစ် ၂၀ လိမ်းထားပြီး ရေနွေးနဲ့ ဆေးချလိုက်ပါ။

အာလူး

အားလူးမှာ catecholase enzymes ပါဝင်တဲ့အတွက်ကြောင့် အသားအရေကို သဘာဝအတိုင်း ကြည်လင်စေပါတယ်။ အာလူးကို နေ့စဉ် အသုံးပြုမယ်ဆိုရင် ညိုမဲ နေတဲ့ အသားအရေကို နူးညံ့ ဖြူဖွေးစေပါတယ်။
အာလူးကို ကြိတ်ပြီး ဖျော်ရည်ပုံစံပြုလုပ်လိုက်ပါ။ ဒူးခေါင်း နဲ့ တံတောင်စစ်နေရာတွေမှာ ၁၅ မိနစ် လိမ်းထားပြီး ရေနဲ့ ဆေးချလိုက်ပါ။ ပြီးနောက် moisturizer လိမ်းပေးပါ။ နောက်တစ်နည်းအားဖြင့် အာလူးကို ပါးပါးလှီးပြီး ဒူးခေါင်း နဲ့ တံတောင်စစ်နေရာတွေကို ၁၀ မိနစ်မှ ၁၅ မိနစ်ခန့် ပွတ်တိုက်ပေးပြီးနောက် ရေနဲ့ ဆေးချလိုက်ပါ။

ပျားရည်

ပျားရည်က အသားအရေကို သဘာဝအတိုင်း အစိုဓာတ်ကိုပေးစွမ်းနိုင်ပါတယ်။ ပျားရည် စားပွဲတင်ဇွန်း ၂ ဇွန်း၊ သံပုရာရည်တစ်ဝက်နဲ့ မုန့်ဖုတ်ဆိုဒါ စားပွဲတင်ဇွန်း ၁ ဇွန်း ကို ရောမွှေလိုက်ပါ။ ညိုမဲနေတဲ့ ဒူးခေါင်း နဲ့ တံတောင်စစ်နေရာတွေကို မိနစ် ၂၀ မှ ၃၀ အထိလိမ်းထား ပြီးနောက် ရေဆေးချလိုက်ပါ။ နောက်တစ်မျိုးကတော့ ပျားရည် စားပွဲတင်ဇွန်း ၁ ဇွန်း၊ နွားနို့ စားပွဲတင်ဇွန်း ၁ ဇွန်း နဲ့ ရှားစောင်းလက်ပက် အနှစ် စားပွဲတင်ဇွန်း ၁ ဇွန်း တို့ကို ရောမွှေလိုက်ပါ။ ဒူးခေါင်း နဲ့ တံတောင်စစ်နေရာတွေကို ၁၅ မိနစ်လိမ်းထား ပြီးနောက် ရေနွေးနဲ့ဆေးချလိုက်ပါ။

သကြားနဲ့ သံလွင်ဆီ

သကြားနဲ့ သံလွင်ဆီ ရောပြီး အိမ်တွင်း ကြေးချွတ်လို့ရပါတယ်။ သကြားနဲ့ သံလွင်ဆီဟာဆိုရင် အရေပြားကို ကျန်းမားတဲ့ အာဟာရ ပေးစွမ်းနိုင်ပါတယ်။ ရေဓာတ်လည်းရရှိနိုင်ပြီး ဆဲလ်အသေတွေကိုလည်း ဖယ်ရှားပေးနိုင်ပါတယ်။ သကြားနဲ့ သံလွင်ဆီကို ပမာဏအတူတူထည့်ပြီး ရောသမအောင် မွှေလိုက်ပါ။ ဒူးခေါင်း နဲ့ တံတောင်စစ်နေရာတွေမှာ ၁၅ မိနစ်ခန့် နှိပ်နယ်ပေး ပြီးနောက် ရေနွေးနဲ့ဆေးချလိုက်ပါ။ အပတ်စဉ်တိုင်း ပြုလုပ်ပေးပါက ကောင်းမွန်တဲ့ ရလဒ်ကို တွေ့မြင်ရမှာဖြစ်ပါတယ်။

ကဲ…… စကပ်အတိုလေးတွေ ဝတ်ရင် ကိုယ့်ကိုကိုယ် ယုံကြည်မှုရှိအောင် အခုပဲ အပေါ်က ပြောခဲ့တဲ့ နည်းလမ်းတွေအတိုင်း လုပ်ကြရအောင်