မကြာသေးခင်ကမှ နှုတ်ခမ်းနီမလေးတွေကြား ရေပန်းစားသွားတဲ့ ‘A Business Proposal’ ဇာတ်လမ်းတွဲရဲ့ အဓိကဇာတ်ဆောင်ဖြစ်တဲ့ Ahn Hyo Seop ဟာ ကိုယ်ပိုင် Agency ကို တည်ထောင်လိုက်ပြီဖြစ်ပါတယ်။ Agency နာမည်ကတော့ The present co.! ဖြစ်ပြီး သရုပ်ဆောင်အဖြစ် ပွဲဦးမထွက်ခင်တည်းက အတူတူလုပ်ကိုင်ခဲ့တဲ့ Ahn Hyo Seop ရဲ့ မန်နေဂျာဖြစ်သူနဲ့အတူ စပ်တူရှယ်ယာအဖြစ် တည်ထောင်ထားတာလည်းဖြစ်ပါတယ်။ Company ရဲ့ဆောင်ပုဒ်ကတော့ ‘လက်ရှိပစ္စုပ္ပန်မှာပဲ နေထိုင်ကြပြီး ဒီနေ့ရဲ့ ပျော်ရွှင်မှုတွေကို ခံစားကြမယ်’ ဆိုတာလေး ဖြစ်ပါတယ်။ လက်ရှိတွဲဖက်ဒါရိုက်တာဖြစ်တဲ့ Kim Min Ji ကတော့ ကျနော်တို့ကိုပေးခဲ့တဲ့လက်ဆောင်တစ်ခုလို လက်ရှိပစ္စုပ္ပန်မှာပဲ နေထိုင်ကြပြီး လူတိုင်းနဲ့အတူ ပျော်ရွှင်စရာကောင်းတဲ့အခိုက်တန့်တွေကို ပိုင်ဆိုင်ဖို့ မျှော်လင့်ပါတယ်လို့ ပြောသွားခဲ့ပါတယ်။ သူ့ရဲ့ပွဲဦးထွက်ဇာတ်လမ်းဖြစ်တဲ့ “Splash Splash Love” မှာ ပါဝင်ပြီးနောက် အခြား project တွေဖြစ်တဲ့ “30 But 17”, “Abyss”, “Dr. Romantic 2” and “Lovers of the Red Sky” ဇာတ်လမ်းတွေမှာ ပါဝင်ခဲ့ပြီးနောက် မကြာသေးခင်က SBS ကထုတ်လွှင့်ခဲ့တဲ့ “A Business Proposal” ဇာတ်လမ်းမှာလည်း အဓိကဇာတ်ဆောင်နေရာကပါဝင်ခဲ့ပြီး လူကြိုက်များခဲ့တဲ့ဇာတ်လမ်းအနေနဲ့ အောင်မြင်မှုရရှိခဲ့ပါတယ်။ အခုလက်ရှိမှာတော့ ထိုင်ဝမ်ဇာတ်လမ်း “Some Day or One Day“! ကို ပြန်လည်အသက်သွင်းမဲ့ဇာတ်လမ်းတွဲအသစ်အတွက် ပြင်ဆင်နေတာလည်း ဖြစ်ပါတယ်။ နောက်ပိုင်းဆိုရင်တော့ အပြင်လက်တွေ့ဘဝက CEO Ahn ကို မြင်တွေ့ရတော့မှာနော် 🤩။