Girl Generation အဖွဲ့ဟာ ဒီနှစ် August လထဲမှာ comeback ပြုလုပ်သွားမယ်လို့ တရားဝင်ကြေငြာလိုက်ပါတယ်။ Girl Generation အဖွဲ့ရဲ့ ပထမဆုံးပွဲဦးထွက် album ဖြစ်တဲ့ ‘Into The New World’ ဟာ August 2008 မှာ ထွက်ရှိခဲ့တာဖြစ်ပြီး သူတို့ရဲ့ 15 နှစ်ပြည့်ကိုလည်း August ထဲမှာပဲ ပြုလုပ်သွားမှာလည်း ဖြစ်ပါတယ်။ ထို့အပြင် album ဟာ 2017 August လမှာထွက်ရှိခဲ့တဲ့ ၆ ခုမြောက် album ဖြစ်တဲ့ ‘Holiday Night’ ထွက်ရှိပြီးနောက် ငါးနှစ်ကြာမှ ထွက်ရှိလာတဲ့ Comeback album ဖြစ်လို့ ပိုပြီး အဓိပ္ပာယ်ရှိလာမှာလည်း ဖြစ်ပါတယ်။ အခုထွက်ရှိလာမဲ့ album မှာ အဖွဲ့ဝင် ၈ ယောက်လုံးပါဝင်လာမှာဖြစ်ပြီး ပရိတ်သတ်တွေ အကြာကြီးစောင့်မျှော်ခဲ့ရတဲ့ comeback ဖြစ်တာကြောင့် အကုန်လုံးလည်း စိတ်လှုပ်ရှားနေကြမယ်လို့ ထင်ပါတယ်။ ပထမဆုံးပွဲဦးထွက်ကနေ ထွက်ရှိခဲ့တဲ့ သီချင်းတွေအပြင် အောင်မြင်ကြော်ကြားခဲ့တဲ့ “Genie”, “Genie”, “Run Devil Run”, “Lion Heart”, “Kissing You” တို့အပြင် အခြားသောသီချင်းတွေနဲ့ပရိတ်သတ်တွေရဲ့နှလုံးသားနဲ့ အားပေးမှုတွေကို သိမ်းပိုက်ထားနိုင်ခဲ့တာလည်း ဖြစ်ပါတယ်။ ပရိတ်သတ်ကြီးတို့ရော comeback အတွက် စိတ်လှုပ်ရှားနေကြပြီလား။