Snow Drop မှာ ဂျစ်တီးဂျစ်ကန် ခပ်မိုက်မိုက်မြောက်ပိုင်းသားလေးအဖြစ် ကောင်မလေးတွေအသည်းကို ဖမ်းစားသွားပြီး Business Proposal ဇာတ်လမ်းတွဲမှာတော့ အပြုံးချိုချိုလေးတွေနဲ့အတူ ပရိတ်သတ်တွေရဲ့အားပေးမှုကို သိမ်းယူသွားတဲ့ကောင်ချောလေး Kim Min Kyu ကတော့ Single Magazine မှာ အပြုံးချိုချိုလေးတွေနဲ့အတူ ပျိုမေလေးတွေရဲ့နှလုံးသားတွေကို သိမ်းပိုက်သွားပြန်ပါပြီနော်။ Summer အတွက်ရိုက်ကူးထားတဲ့ပုံတွေမှာ ပေါ့ပေါ့ပါးပါးစတိုင်ဖြစ်တဲ့ Jean Jacket နဲ့ ဘောင်းဘီအဖြူလေးကို တွဲဖက်ဝတ်ဆင်ထားပြီး သူ့အပြုံးချိုချိုလေးနဲ့ ပါးချိုင့်လေးပါ ဖြည့်စွက်လိုက်တဲ့အခါမှာတော့ ကြည့်မဝချင်စရာမျက်နှာထားလေးနဲ့အတူ ပျိုမေတွေအတွက် သည်းသည်းလှုပ်ချင်စရာကောင်ချောလေးတစ်ယောက်အသွင်နဲ့ ထွက်ပေါ်လာတာလည်း ဖြစ်ပါတယ်။ ဒီ photoshoot ကတော့ skincare brand တစ်ခုဖြစ်တဲ့ ‘AGE 20’s’ အတွက် ရိုက်ကူးပေးထားတာဖြစ်ပြီး စိတ်ကူးထဲက ချစ်သူကောင်လေးရဲ့ပုံစံကို အပြည့်ဝချပြထားတာမလို့ ပုံတိုင်းက ကြည့်မဝချင်စရာဖြစ်နေတာနော်။ အပြုံးချိုချိုနဲ့ကောင်လေးရဲ့ပုံလေးတွေကို ကြည့်ရှုခံစားရင်း ခဏတာတော့ ပြုံးပျော်သွားကြမယ်လို့ထင်ပါတယ် ပရိတ်သတ်ကြီးရေ။ မင်မင်ကတော့ ပါးချိုင့်လေးရဲ့အပြုံးလေးတွေနဲ့ တစ်နေ့တာအတွက် လုံလောက်သွားပါပြီ။