Recording Academy ကနေ (၂၀၂၁)ခုနှစ် ဂရမ်မီဆုပေးပွဲအတွက် ဆန်ခါတင်စာရင်းဝင်သူများကို ကြေငြာခဲ့ရာမှာတော့ BTS က ထိပ်ဆုံးကနေပါဝင်လာခဲ့ပါတယ်။BTS ဟာ ”Dynamite” သီချင်းနဲ့ Best Pop Duo/Group Performance ဆုအတွက် ဆန်ခါတင်စာရင်းဝင်ခဲ့တာပဲဖြစ်ပါတယ်။ဒါ့အပြင် ”Dynamite” ဟာ Billboard Hot 100 chart မှာ အချိန်ကြာမြင့်စွာရပ်တည်နေခဲ့တဲ့ သီချင်းတစ်ပုဒ်လည်းဖြစ်ပါတယ်။

BTS ရဲ့ “Dynamite” နဲ့အတူ J Balvin, Dua Lipa, Bad Bunny နဲ့ Tainy “Un Dia (One Day)”, Justin Bieber “Intentions” (featuring Quavo), Lady Gaga နဲ့ Ariana Grande “Rain on Me”, Taylor Swift “Exile” (featuring Bon Iver) တို့ကလည်း Best Pop Duo/Group Performance ဆုအတွက် ဆန်ခါတင်စာရင်းဝင်ခဲ့တာပဲဖြစ်ပါတယ်။

ဒါ့အပြင် BTS အဖွဲ့ဟာ ၂၀၁၉ ခုနှစ်တုန်းကလည်း “ Yourself Yourself: Tear” အယ်လ်ဘမ်နဲ့ 2019 GRAMMY Awards မှာ Best Recording Package အတွက် ဆန်ခါတင်စာရင်းဝင်ခဲ့ကြပါသေးတယ်။(၂၀၂၁)ခုနှစ်အတွက် ဂရမ်မီဆုပေးပွဲကိုတော့ ဇန်နဝါရီလ ၃၁ ရက်နေ့မှာ ကျင်းပသွားမှာပဲဖြစ်ပါတယ်။

GRAMMY မှာ ဆန်ခါတင်စာရင်းဝင်ပြီးချိန်မှာတော့ BTS အဖွဲ့ဝင်တွေဟာ “ဒီလိုအချိန်မှာ ကျွန်တော်တို့ရဲ့သီချင်းတွေကို နားထောင်ပေးတဲ့လူတိုင်းကို ကျေးဇူးတင်ပါတယ်။အထူးသဖြင့် ARMY တွေကို ပိုပြီးကျေးဇူးတင်ပါတယ်။ARMY တွေကြောင့်သာ ကျွန်တော်တို့ ဒီလိုနေရာထိရောက်လာခဲ့ကြတာပါ။အဲ့ဒီအတွက်လည်း မင်းတို့ကို ကျွန်တော်တို့အမြဲတမ်းကျေးဇူးတင်နေမှာပါ။” ဆိုပြီး သူတို့ရဲ့ Twitter မှာရေးသားခဲ့ပါတယ်။

Congratulations ပါ BTS ရေ !!!