True Beauty ဟာ ၂၀၂၀ ဒီဇင်ဘာ ၉ ရက်နေ့မှာမှာစတင်ထုတ်လွှင့်ခဲ့တာဖြစ်ပေမယ့်လူကြိုက်များတဲ့ Webtoon ဇာတ်လမ်းတစ်ခုကိုပြန်လည်ရိုက်ကူးထားတာဖြစ်တာကြောင့် သရုပ်ဆောင်ရွေးချယ်မှုစတင်ကတည်းက အထူးအာရုံစိုက်ခံရတဲ့ ဇာတ်လမ်းတွဲတစ်ခုဖြစ်ပါတယ်။

ဇာတ်လမ်းမှာပါဝင်မယ့် သရုပ်ဆောင်တွေကိုရွေးချယ်ခဲ့စဉ်ကတော့တချိုု့ သရုပ်ဆောင်တွေဟာ သူတို့ မှန်းထားတဲ့သရုပ်ဆောင်တွေမဟုတ်ခဲ့ကြလို့ ဇာတ်လမ်းထွက်လာမှဝေဖန် စောင့်ကြည်မယ်ဆိုသူတွေလည်းရှိခဲ့ကြပါတယ်။
ဒါပေမယ့် တကယ်ထုတ်လွှင့်လာတဲ့အခါမှာတော့ အားလုံးအံ့အားသင့်ခဲ့ရတာကWebtoonနဲ့တစ်ပုံစံတည်းမတူပဲ အနည်းငယ်ပြောင်းလဲထားတဲ့ ဇာတ်ကွက်အသစ်များနဲ့မတူညီတဲ့ Character Development ပါဝင်ခဲ့တာကြောင့်ဖြစ်ပါတယ်။ဒါ့အပြင် Webtoon ထဲမှာ မိန်းကလေးတွေရဲ့အသည်းကိုဖမ်းစားနိုင်ခဲ့တဲ့ Han Seo Jun ဇာတ်ကောင်နေရာမှာပါဝင်သရုပ်ဆောင်တဲ့ Hwang In Yeop ဟာဆိုရင်သူရဲ့ပထမဆုံး အဓိက သရုပ်ဆောင်အနေနဲ့ပါဝင်သရုပ်ဆောင်ရတဲ့ဇာတ်ကောင်လည်းဖြစ်ပါတယ်။သူဟာ Lee Su Hoနေရာကသရုပ်ဆောင်တဲ့ တောင်ကိုရီးယားရဲ့ထိပ်တန်း Visiual လို့တင်စားခံရတဲ့ Cha Eun Woo နဲ့အပြိုင်ဆွဲဆောင်မှုရှိတဲ့ ကောင်လေးအနေနဲ့ပရိသတ်တွေရဲ့အာရုံကိုဖမ်းစားနိုင်ခဲ့တာဖြစ်ပါတယ်။

ဇာတ်လမ်းအကျဉ်းကတော့ အထက်တန်းကျောင်းသူလေးတစ်ယောက်ဖြစ်တဲ့ Lim Ju Gyeong ဟာ သူမရဲ့ရုပ်ရည်ကြောင့် ငယ်ငယ်တည်းကဆွေမျိုးတွေရဲ့ စနောက်မှုကိုခံခဲ့ရပြီး ကျောင်းသူဘဝရောက်တဲ့အခါကျောင်းမှာ ကိုယ့်ကိုကိုယ်သတ်သေချင်ရလောက်တဲ့အထိ ဆိုးဆိုးရွားရွား အနိုင်ကျင့်မှုကိုခံခဲ့ရတာပါ။ အဲ့ဒါကြောင့် Online မှာ မိတ်ကပ်လိမ်းနည်းတွေကိုလေ့လာပြီး ချောမောတဲ့ကောင်မလေး အဖြစ် သူမရဲ့ဘဝအသစ်ကို ကျောင်းအသစ်မှာစတင်ခဲ့ပါတယ်။ ဒါပေမယ့် သူမမရိပ်မိခဲ့တာက သူမရဲ့ အရင်မျက်နှာကိုမြင်ဖူးထားတဲ့ Lee Su Ho ဆိုတဲ့ ချောမောတဲ့ကောင်လေးဟာ အဲ့ကျောင်းရဲ့ အတော်ဆုံးကျောင်းသားတစ်ယောက်ဖြစ်ပြီး သူမနဲ့တစ်ခန်းတည်းတူတူတက်ရမယ့်သူတွေဖြစ်နေတာပါ။မိတ်ကပ် အစွမ်းနဲ့ချောမောတဲ့ မျက်နှာလေးကြောင့် တစ်ကျောင်းလုံးက နတ်သမီးလေးလို့တင်စားနေကြတဲ့ ရုပ်ဆိုးမလေး Lim Ju Gyeong အတိတ်ကဖြစ်ရပ်ဆိုးတွေကြောင့် ကြင်နာတတ်တဲ့ကောင်လေးကနေ အေးစက်တဲ့ပုံစံဖြစ်နေတဲ့ Lee Su Ho တစ်ချိန်က Lee Su Ho နဲ့သူငယ်ချင်းတွေဖြစ်ခဲ့ပေမယ့် အတိတ်ကဖြစ်ရပ်တစ်ခုကြောင့် မျက်နှာချင်း ဆိုင်မိတာနဲ့ ရန်သူလိုဖြစ်နေတဲ့ ကျောင်းရဲ့ အလန်းဆုံးလူရှုပ်လေး Han Seo Jun ကျောင်းကို Lim Ju Gyeong မရောက်လာခင်မှာ ကျောင်းရဲ့ နံပါတ်တစ်အလှနတ်သမီးဖြစ်ခဲ့တဲ့ Kang Soo Jin သူတို့တွေဟာအလှအစစ်အမှန်ကို ရှာတွေ့နိုင်မလားဆိုတာ ရင်ခုန်စွာနဲ့စောင့်ကြည့်ရမှာဖြစ်ပါတယ်။

ဗရုတ်သုတ်ခ ကောင်မလေး Lim Ju Gyeong အနေနဲ့ ချစ်စရာကောင်းတဲ့  Moon Ga-young ကသရုပ်ဆောင်သွားမှာဖြစ်ပြီး ဆွဲဆောင်မှုရှိတဲ့ ကျောင်းရဲ့အလှဘုရင်မ Kang Soo-jinn အနေနဲ့ Park Yoo-na ကသရုပ်ဆောင်သွားမှာပါ။

True Beauty ဟာ ပေါ့ပေါ့ပါးပါးနဲ့ဆွဲဆောင်မှုရှိတဲ့ လူငယ် အချစ်ဟာသ ဇာတ်မျိုးဖြစ်ပြီး အပိုင်း ၁၆ပိုင်းပါဝင်ပါတယ်။