SBS drama ‘The Penthouse: War in Life’ ဆိုတဲ့ ဒရာမာကိုကြည့်တဲ့သူဆိုရင် သူမကို သိကြမယ်ထင်ပါတယ်။ ဒီဇာတ်ကားထဲမှာဆိုရင်တော့ သူမက Joo Seokkyung ဆိုတဲ့ ဇာတ်ကောင်နေရာကနေ ပါဝင်သရုပ်ဆောင်ခဲ့ပါတယ်။ ဒီဒရာမာရဲ့လူကြိုက်များမှုနဲ့အတူ Han Jihyun ဟာလည်း ကိုရီးယားမှာသာမက international fans တွေရဲ့အာရုံစိုက်မှုအများအပြားကိုရရှိခဲ့ပါတယ်။

ပရိတ်သတ်တွေရဲ့ အားပေးမှုကိုရရှိလာတာနဲ့တပြိုင်နက် Netizens တွေက သူမရဲ့အကြောင်းတွေကိုလည်း စိတ်ဝင်စားလာကြပါတယ်။ Han Jihyun ဟာ ဒရာမာထဲမှာအမွှာရှိရုံသာမက တကယ့်လက်တွေ့ဘဝမှာလည်း အမွှာမောင်လေးတစ်ယောက်ရှိပါတယ်။ Han Jihyun ရဲ့ အမွှာမောင်လေးကတော့ ကိုရီးယားရဲ့ ထိပ်တန်းမော်ဒယ်လ်တစ်ယောက်ဖြစ်တဲ့ Han Seungsoo ပဲဖြစ်ပါတယ်။

Han Seungsoo ကတော့ ၂၀၁၄ ခုနှစ်မှာ ‘Korea’s Next Top Model’ ဆိုတဲ့ survival show မှာစတင်ပါဝင်ခဲ့ပြီး လူသိများလားခဲ့ပါတယ်။ လက်ရှိအချိန်မှာတော့ Seungsoo ဟာ အဆင့်မြင့်အမှတ်တံဆိပ်တွေနဲ့ ဖက်ရှင်မဂ္ဂဇင်းတွေရဲ့ မော်ဒယ်တစ်ယောက်အဖြစ်ရပ်တည်နေတဲ့သူတစ်ယောက်ဖြစ်နေပါပြီ။