The Untamed ဇာတ်လမ်းတွဲပြီးကတည်းကYibo ရဲ့နောက်ထွက်လာမယ့်ဇာတ်လမ်းတွဲကို ပရိသတ်တွေက စောင့်ဆိုင်းနေခဲ့ကြတာပါ။မနှစ်ကနွေရာသီတုန်းကThe Untamed ရဲ့Lan Wangji ဇာတ်ကောင်နဲ့ ပရိသတ်တွေရဲ့ နှလုံးသားကို ခိုးယူသွားခဲ့တဲ့အားလုံးရဲ့အချစ်တော်လေး Wang Yibo ကို “The Legend of Fei” ဇာတ်လမ်းတွဲမှာ ဘုရင့်သမီးတော်နဲ့ ချစ်ကြိုက်မိသွားတဲ့ စစ်သားလေးတစ်ယောက် အနေနဲ့မြင်တွေ့ရမှာပါ။အပူအပင်ကင်းကင်းနဲ့ ဘဝကိုဖြတ်သန်းနေတဲ့သာမာန်စစ်သားလေးဟာ ဘဝအလှည့်အပြောင်းတွေကြားထဲ သူဘယ်လိုရင်ဆိုင်မလဲဆိုတာ ရင်တထိတ်ထိတ်နဲ့ စီးမြောကြည့်ရှုရမယ့် Romance နဲ့ Action ပေါင်းထားတဲ့ အမျိုးအစားလေးဖြစ်ပါတယ်။

The Legend of Fei ဇာတ်လမ်းတွဲဟာ “The Untamed” လိုပဲ ဇာတ်အိမ်ခိုင်မာတဲ့ တရုတ် ဝတ္တုရှည် တစ်ခု ကိုပြန်ရိုက်ထားတာဖြစ်ပြီးအပိုင်း ၅၈ပိုင်းပါဝင်သွားမှာပါ။Yibo နဲ့အတူ ပါဝင်သရုပ်ဆောင်ထားတဲ့ Zhao Li Ying ကလည်း ပရိသတ်အချစ်တော်လေးဖြစ်ပြီး တကယ့်ကိုတော်တဲ့ သရုပ်ဆောင်တစ်ယောက်ပါပဲ။အားလုံးက ဒီဇင်ဘာ ၁၈လို့ထင်ကြေးပေးနေကြပေမယ့် အဓိက ပါဝင်သရုပ်ဆောင်ထားတဲ့ Yibo နဲ့ Zhao Li Ying ကတော့ ၂၀၂၁ မှာ“The Legend of Fei” ကိုအားပေးကြပါလို့ပဲပြောထားသေးပါတယ်။ဘယ်အချိန်ထွက်လာမယ်မှန်းမသေချာသေးပေမယ့် ပြသတော့မယ့်အချိန်က တကယ်ပဲနီးကပ်နေပြီမို့ ရင်ခုန်ခုန်နဲ့ပဲစောင့်မျှော်နေရဦးမှာပေါ့နော်။