တစ်နိုင်ငံနဲ့တစ်နိုင်ငံရဲ့ မတူညီတဲ့ ပွဲတော်ကျင်းပပုံတွေကို တင်ပြပေးလိုက်ပါတယ်။

1.Carnival Of Venice

Carnival ပွဲတော်ကို အီတလီနိုင်ငံ ဗင်းနစ်မြို့မှာ ကျင်းပတာဖြစ်ပါတယ်။ ၁၁ရာစုက စတင်ခဲ့တာဖြစ်ပြီး ၁၈ရာစုလောက်မှ နိုင်ငံတကာက ခရီးသွား တွေကိုပါဆွဲဆောင်လာနိုင်ပြီး ထင်ရှားလာခဲ့ပါတယ်။ ပွဲတော်ရက်အတွင်းဆို Tourists တွေနဲ့ နိုင်ငံအတွင်းက လူတွေ အများအပြား လမ်းပေါ်မှာ အပြည့်ပဲဖြစ်ပါတယ်။ ပြဇာတ်တွေထဲကလို စိတ်ဝင်စားစရာကောင်းတဲ့ ပုံစံတွေ၊ ရယ်စရာကောင်းတဲ့ ဝတ်စုံအပြင်အဆင်တွေနဲ့ လှပတဲ့ ရှေးခေတ် အဆောက်အအုံတွေကြားမှာ ပွဲတော်ကို ပျော်ရွှင်စွာ ဆင်နွှဲလေ့ရှိပါတယ်။ လမ်းမပေါ်မှာ ကျင်းပတဲ့ Party အမျိုးစားဖြစ်ပြီး အကောင်းဆုံ ဝတ်စုံနဲ့ မျက်နှာဖုံးပုံစံတွေကိုလည်း ဆုပေးလေ့ရှိပါတယ်။

2.Holi Festival

India နိုင်ငံမှာ ကျင်းပလေ့ရှိတဲ့ Holi ပွဲတော်ကို ဇာတ်ကားတွေထဲမှာ မြင်ဖူးလို့ သိကြမယ်ထင်ပါတယ်။ Holi ပွဲတော်က ကမ္ဘာ့အထင်ရှားဆုံး ဘာသာရေးပွဲတော်တွေထဲက တစ်ခုဖြစ်ပါပြီး အရောင်တွေမျိုးစုံရောစပ်ပြီး ကျင်းပတဲ့ပွဲတော်ဖြစ်ပါတယ်။ Holi ပွဲတော်ကိုတော့ February လကုန် March လလယ်လောက်မှာ ကျင်းပလေ့ရှိပါတယ်။ ဒေသခံတွေရော Tourists တွေရော Holi ပွဲတော်မှာ လွတ်လပ်စွာ ကကြ သီချင်းဆိုကြပါတယ်။ အရောင်မှုန့်တွေကို သူစိမ်းတွေ၊ သူငယ်ချင်း၊ ဆွေမျိုးတွေကို လိုက်လိမ်းလေ့ရှိပြီး အရောင်တွေ ရောထားတဲ့ ရေတွေနဲ့ တစ်ယောက်နဲ့ တစ်ယောက် လိုက်ပက်လေ့ရှိပါတယ်။

3.Oktoberfest

Germany နိုင်ငံမှာ နှစ်တိုင်း October ပထမအပတ်ဆို “Oktoberfest” လို့ခေါ်တဲ့ ပွဲတော်ကျင်းပကြပါတယ်။ (1810) ဝန်းကျင်က ဂျာမနီနိုင်ငံ အိမ်ရှေ့စံရဲ့ လက်ထပ်ပွဲကနေ စတင်ခဲ့တာဖြစ်ပါတယ်။ တော်ဝင်မိသားစုတွေရဲ့ အစဉ်အလာအရ ဒီလိုအချိန်မျိုးဆို ပွဲတော်တွေကျင်းပကြပါတယ်။ “Bavaria” ပြည်သူတွေအတွက် အဲ့လို ပွဲတွေက ပျော်စရာကောင်းတာဖြစ်လို့ နောက်နှစ်တွေလဲ ဒီလိုအချိန်ဆို ပွဲတော်တွေကျင်းပဖို့ ဆုံးဖြတ်ခဲ့ရာကနေ ဒီပွဲတော် ဖြစ်လာတာဖြစ်ပါတယ်။ ဒါကြောင့် “October” ဆို သောက်ကြစားကြနဲ့ ပျော်ပွဲရွှင်ပွဲတွေရှိတဲ့ ရာသီဖြစ်ပါတယ်။ “Oktoberfest” ကြောင့် နှစ်တိုင်း “Munich” မြို့ကို လာတဲ့ခရီသွားတွေက “6Million” လောက်ထိရှိပါတယ်။ ဥရောပမှာ အကြီးဆုံးနဲ့ အထင်ရှားဆုံးပွဲတော်တွထဲက တစ်ခုဖြစ်လို့ ကမ္ဘာအရပ်ရပ်ကလူတွေ လာရောက်လေ့ရှိပါတယ်။ ဒီပွဲတော်က နိုင်ငံရဲ့ ရိုးရာယဉ်ကျေးမှုတွေ၊ သမိုင်းအစဉ်အလာတွေကြောင့်လဲ လူစိတ်ဝင်စားမှုများကြပါတယ်။ ပျော်စရာကောင်းတဲ့ ကစားနည်းတွေ၊ အစားသောက်ကောင်းတွေနဲ့ ဘီယာကောင်းတွေလည်း ပေါများတဲ့ ပွဲတော်ကြီး တစ်ခုဖြစ်ပါတယ်။

4.La Tomatina

ဒီပွဲတော်ကို စပိန်နိုင်ငံ “Bunol” မြို့မှာကျင်းပတာဖြစ်ပါတယ်။ August လရဲ့ နောက်ဆုံး ဗုဒ္ဓဟူးနေ့ဆို ကျင်းပလေ့ရှိပါတယ်။ သူ့ရဲထူးခြားချက်ကတော့ အချင်းချင်း အစားအသောက်တွေနဲ့ ပစ်ပေါက်တာဘဲ ဖြစ်ပါတယ်။ အဓိက ကတော့ ခရမ်းချဉ်သီးတွေနဲ့ ပစ်ပေါက်တာပဲဖြစ်ပါတယ်။ ဒီအစားအသောက်တိုက်ပွဲကြီးက ရင်းနှီးစွာ ပစ်ပေါက်ကြတဲ့ ပွဲဖြစ်ပြီး ဒီပွဲကို လာရောက်တဲ့ သူတွေက ၅သောင်းကျော်လောက်ရှိပါတယ်။ ဒါကြောင့် အရင်နှစ်တွေက စပြီး လက်မှတ်နဲ့ လာတဲ့ စနစ်မျိုးလုပ်လိုက်ပြီး လူ အယောက် ၂သောင်းလောက်ပဲ လက်ခံပါတော့တယ်။