တောင်ကိုရီးယားရဲ့ နံမည်ကြီးမင်းသမီး Park Shin Hey ပါဝင်သရုပ်ဆောင်ထားတဲ့ JTBC ဒရာမာအသစ်ဖြစ်တဲ့ “Sisyphus:The Myth” မှာ BTS အဖွဲ့ရဲ့ “Spring Day” သီချင်းလေးကို ထည့်သွင်းအသုံးပြုထားပါတယ်။

ဒီသီချင်းလေးကိုအသုံးပြုရတဲ့ အကြောင်းအရင်းကတော့ ဒီဇာတ်ကားထဲမှာ မင်းသမီး Park Shin Hey ရဲ့ဇာတ်ကောင် Kang Seo Hae အတွက် “Spring Day” သီချင်းလေးက သူမကို အားအင်အသစ်တွေ မျှော်လင့်ချက်တွေ ခွန်အားတွေယူဆောင်လာပေးမယ့်သီချင်းလေးအဖြစ်ပါဝင်သွားမှာပါ။Kang Seo Hae ရဲ့စိတ်ပင်ပန်းမှုတွေကို ဖြေဖျောက်ပေးပြီး ခွန်အားသစ်တွေအဖြစ်ပြောင်းလဲပေးမယ့် သီချင်းအဖြစ်ပါဝင်မှာဖြစ်ပါတယ်။ ဒီသီချင်းကိုအသုံးပြုဖို့အတွက် ဇာတ်ကားထုတ်လုပ်သူတွေက BTS အဖွဲ့ဝင်တွေကို ဆက်သွယ်ပြီးခွင့်တောင်းခဲ့ရာ အဖွဲ့ဝင်တွေကလည်း လက်ခံပေးခဲ့ကြပါတယ်။

“Sisyphus:The Myth” JTBC ဒရာမာသစ်မှာ အဓိကသရုပ်ဆောင်တွေအဖြစ် မင်းသား Jo Seung Woo နဲ့ မင်းသမီး Park Shin Hey တို့ကပါဝင်ထားပါတယ်။ဒီဇာတ်ကားမှာဆိုရင် အပိုင်း ၁၆ ပိုင်းပါဝင်မှာဖြစ်ပြီး ဖေဖော်ဝါရီလ ၁၇ ရက်နေ့ ကိုရီးယားစံတော်ချိန် ည ၉ နာရီမှာ စတင်ထုတ်လွှင့်ပြသသွားမှာဖြစ်ပါတယ်။