Jisoo လေးရဲ့ ကျန်းမာရေးကိုစိတ်ပူနေတဲ့ပရိတ်သတ်များအတွက် YG ကစိတ်မပူစေဖို့အတွက်ကြေညာချက်တစ်ခုထုတ်ပြန်
BLACKPINK အဖွဲ့ဝင်တစ်ယောက်ဖြစ်တဲ့ Jisoo ရဲ့ကျန်းမာရေးအတွက်တစ်ကမ္ဘာလုံးကပရိတ်သတ်တွေက စိုးရိမ်ပူပန်မှုတွေများနေတဲ့အတွက် YG Entertainment ကစိုးရိမ်မှုများကိုလျော့နည်းစေဖို့အတွက် တရားဝင်ကြေညာချက်တစ်ခုကိုထုတ်ပြန်ခဲ့ပါတယ်။
လတ်တလောမှာ BLACKPINK ဟာ World Tour ဖျော်ဖြေပွဲများအတွက် အမေရိက သို့ရောက်ရှိနေပြီး အောက်တိုဘာ ၂၅ ရက်နေ့ Dallas မှာပြုလုပ်ခဲ့တဲ့ပွဲမှထွက်ပေါ်လာခဲ့တဲ့ ဓာတ်ပုံတွေထဲမှာ Jisoo ရဲ့ လည်ပင်းမှာအဖုအကြိတ်လေးတစ်ခုထွက်ပေါ်နေတဲ့အတွက်ပရိတ်သတ်များက လွန်စွာစိုးရိမ်မှုတွေဖြစ်ခဲ့ကြပါတယ်။
အဆိုပါဓာတ်ပုံဟာ အွန်လိုင်းပေါ်မှာ ခဏလေးပျံ့နှံ့ခဲ့ပြီးပရိတ်သတ်များက အာရုံစိုက်မှုများ ၊ စိုးရိမ်စိတ်များ နဲ့ သို့လော သို့လော ကောလဟာလများထွက်ပေါ်လာခဲ့ခြင်းကြောင့် YG က “Jisoo ဟာ ဖျော်ဖြေရေးတွေကိုကောင်းကောင်းမွန်မွန်နဲ့လုပ်ဆောင်နေပါတယ်။ သူ့ကျန်းမာရေးဟာကောင်းမွန်နေပါတယ် ၊ ဘာပြဿနာမှ မရှိပါဘူး။” လို့ပြောကြားထားပါတယ်။
