ကိုရီးယားနိုင်ငံရဲ့ နာမည်ကျော်ဂိမ်းအဖွဲ့အစည်းတစ်ခုဖြစ်တဲ့ Gen.G ဟာ ကိုရီးယားနိုင်ငံ၏ဂီတအနုပညာအသိုင်းအဝိုင်းနှင့် ESport လောကတို့ကြားမှာပေါင်း
ကူးသံတမန်တည်ဆောက်ဖို့ရန်အတွက်တေးဂီတနှင့်ဖျော်ဖြေရေးအမှုဆောင်အကြံပေးအဖြစ် Jay Park အားတရားဝင်ခန့်အပ်လိုက်ခြင်းဖြစ်ပါတယ်။

Jay Park ဟာ Gen.G အတွက် အဖွဲ့၏လှုပ်ရှားမှုနဲ့စိတ်လှုပ်ရှားစရာအခိုက်အတန့်များကိုဖော်ပြသည့် ဂီတနဲ့ဖျော်ဖြေရေးအတွက်ထုတ်လုပ်သူအမှုဆောင်အ
ဖြစ်ပူးပေါင်းပါဝင်လာမှာပဲဖြစ်ပါတယ်။ Jay Park ဟာ “League of Legends World Championships 2022” မှာGen.G ESport အတွက်
သီချင်းတစ်ပုဒ်ကိုဖန်တီးမှာပဲဖြစ်ပါတယ်။ ထိုသီချင်းအတွက် Jay Park ဟာ ဂီတနဲ့ဖျော်ဖြေရေးအတွက်အကြံပေးမှာဖြစ်ပြီး သီချင်းအတွက် မတူညီတဲ့ဂီတနယ်
ပယ်မှအနုပညာရှင်များကိုခေါ်ယူပြီးအတူဖန်တီးပုံဖော်ကြမှာပဲဖြစ်ပါတယ်။

ထို့နောက်Jay Park က “အပြင်လက်တွေ့မှာ ကျွန်တော်နဲ့အလုပ်အတူတွဲလုပ်ဖူးတဲ့ လူငယ်အနုပညာရှင်တိုင်းက သူတို့ဂိမ်းကစားပုံအကြောင်းပြောဖူးကြပါတယ်၊
ဒါကြောင့် Gen.G နဲ့လက်တွဲပြီး GEMINI နဲ့ Mirani တို့လို ပါရမီရှိတဲ့အနုပညာရှင်တွေကို ကမ္ဘာအရပ်ရပ်ကဂိမ်းပရိသတ်တွေဆီကို အရောက်ပို့ပေးဖို့ အရမ်း
စိတ်လှုပ်ရှားမိပါတယ်။ ထို့ကြောင့်ကျွန်တော်ဟာ Gen.G ESport ရဲ့တရားဝင်ဂီတနဲ့ဖျော်ဖြေရေးအတွက်အကြံပေးဖြစ်တာနဲ့အလျောက် Gen.G ESport
အတွက် “League of Legends World Championships 2022″ ပါဝင်ယှဉ်ပြိုင်မှုကို ဂုဏ်ပြုလိုသည့်အတွက် သမိုင်းဝင်စေမယ့်သီချင်းတစ်ပုဒ်ကိုဖန်
တီးလိုပါတယ်” လို့ဖြေကြားထားပါတယ်။

တေးဂီတနှင့်ဖျော်ဖြေရေးအမှုဆောင်အကြံပေးအဖြစ် Park သည် အဖွဲ့အစည်းနှင့်ပူးပေါင်းဆောင်ရွက်ရန် မတူညီသောဂီတအနုပညာရှင်များကို ပွဲထုတ်ခေါ်ဆောင်
လာရန် အာရုံစိုက်မည်ဖြစ်ပါတယ်။ ယမန်နှစ်က အဖွဲ့၏ပြိုင်ဘက် T1နှင့်ပွဲဦးထွက်ပွဲအတွက် Gen.G အတွက် “ALL IN” သီချင်းနှင့်ဂီတဗီဒီယိုကိုလုပ်ဆောင်
ခဲ့ပြီးနောက် Gen.G အမှုဆောင်အရာရှိချုပ် Arnold Hur နှင့် Park တို့သည် လူငယ်များကို ပေါ်လွင်စေမည့် ပလက်ဖောင်းတစ်ခု ဖန်တီးလိုကြပါတယ်။
မကြာခဏရုန်းကန်နေရသောတောင်ကိုရီးယား၏ လူငယ်ဟစ်ဟော့နှင့် R&Bအနုပညာရှင်များကို စျေးကွက်ရှာဖွေရေးအခွင့်အလမ်းများနှင့်ထိတွေ့မှုရရှိရန် ရည်
ရွယ်ပါတယ်။

Gen.G သည်2017ခုနှစ်တွင်စတင်တည်ထောင်ခဲ့ပြီး ထိပ်တန်းဂိမ်းပေါင်းစုံ ESports အဖွဲ့အစည်းတစ်ခုဖြစ်ပြီး တရုတ်နိုင်ငံ ၊ တောင်ကိုရီးယားနှင့်အမေရိကန်ရှိ
ကမ္ဘာ့အကြီးဆုံး ESports များတွင် ထိပ်တန်းအသင်းများကို အနိုင်ယူထားတဲ့အသင်းဖြစ်ပါတယ်။ ၎င်း၏ ESports အသင်းများသည်
“2017 League of Legends World Championship”၊ “2019 PUBG Global Championship” နှင့် အခြားသောပြိုင်ပွဲများမှာလဲ ကမ္ဘာ့
ချန်ပီယံဆုများစွာကို ရရှိပိုင်ဆိုင်ထားပါတယ်။ Gen.G ၏ အဓိက ရည်မှန်းချက်မှာ ပရိတ်သတ်များနှင့် တစ်ခြားသောအားကစားသမားများကို ဂိမ်းကစားခြင်းနှင့်
အတူ ESports ကဏ္ဏကိုမြင့်တင်ပေးလိုခြင်းဖြစ်ပါတယ်။

Gen.G ESports ဟာ 2022 LCK ‘Summer League of Legends Championship’ ကို အနိုင်ရရှိခဲ့ပြီးနောက်
The ‘2022 Season World Championship’ (Worlds 2022) တွင် အုပ်စု D တွင် ထိပ်ဆုံးမှရပ်တည်လျက်ရှိပါတယ်။