“Love Is For Suckers” ဇာတ်လမ်းတွဲအသစ်အတွက် စိတ်လှုပ်ရှားနေတဲ့ Super Juniorအဖွဲ့ဝင်‘Choi Siwon’

Super Junior အဖွဲ့ဝင်တစ်ယောက်ဖြစ်တဲ့ Choi Siwon ပါဝင်သရုပ်ဆောင်မှာဖြစ်တဲ့ “Love Is For Suckers” ဇာတ်လမ်းတွဲမှာ သူ့ရဲ့ဖန်များနဲ့ပရိတ်သတ်များရဲ့ နှလုံးသားကိုထပ်မံသိမ်းပိုက်ဉီးမှာဖြစ်ပါတယ်။
Series ထဲမှာတော့ Choi Siwon နဲ့ Lee Da Hee တို့ဟာ နှစ် ၂၀နီးပါး ရင်းနှီးကျွမ်းဝင်တဲ့ အခင်ဆုံးသူငယ်ချင်းနှစ်ယောက် Park Jae Hoon နဲ့ Goo Yeo Reum အဖြစ်ဇာတ်အိမ်တည်ထားတဲ့ အချစ်ဟာသဒရာမာ ဇာတ်လမ်းတွဲလေးပဲဖြစ်ပါတယ်။ သူတို့ ၂ ဉီးဟာ ထုတ်လုပ်ရေးဒါရိုက်တာ (PD) နှင့် reality dating show သရုပ်ဆောင်များဖြစ်ပြီး သူတို့ ၂ ဉီးတွေ့ဆုံကြသောအခါ မထင်မှတ်ပဲ တစ်ယောက်ကိုတစ်ယောက် အချစ်ရေးခံစားချက်များ စတင်ဖြစ်ပေါ်လာပုံကို ရိုက်ကူးထားကြတာပဲဖြစ်ပါတယ်။
Choi Siwon ဟာ Park Jae Hoon အဖြစ်သရုပ်ဆောင်ထားပြီး ဇာတ်ကောင်မှာ ကိုရီးယား၏ အကောင်းဆုံး ဆေးကျောင်းမှ ဘွဲ့ရရှိထားသော်လည်း လက်ရှိတွင် ပလပ်စတစ်ဆာဂျရီ ခွဲစိတ်ဆရာဝန်အဖြစ်လုပ်ကိုင်နေတာပဲဖြစ်ပါတယ်။ သူဟာချောမောပြီးယောက်ျားဆန်သောမျက်နှာရှိသည့်အလျောက် ကောင်မလေးများနဲ့ Blind Date မှာတွေ့ဆုံသော်လည်း သဘောထားမှာကွဲလွဲနေသောကြောင့်အချစ်ငတ်နေတဲ့ ကောင်လေးတစ်ယောက်ဖြစ်နေပါတယ်။
Park Jae Hoon သည် လွန်ခဲ့သည့် နှစ် 20 အတွင်း သူ၏ ပင်ကိုယ်စရိုက်နှင့် လုံးဝဆန့်ကျင်ဘက်ဖြစ်သော Goo Yeo Reum ဇာတ်ကောင်တွင်သရုပ်ဆောင်သည့် Lee Da Hee ကိုမယုံနိုင်လောက်အောင် ခင်မင်ရင်းနှီးခဲ့သည်။ သူတို့ရဲ့ကွဲပြားမှုတွေကြောင့် သူတို့နှစ်ယောက် အမြဲတမ်း ရန်ဖြစ်နေကြပေမယ့် မမျှော်လင့်ထားတဲ့ အဖြစ်အပျက်တွေက အရင်ကထက်ပိုနီးစပ်လာတာကြောင့် Park Jae Hoon က သူမကို သူငယ်ချင်းထက် ပိုတဲ့အနေအထားကိုရောက်ရှိလာပါတယ်။ နောက်ပိုင်းမှာတော့…….
ဇာတ်လမ်းကအညွှန်းမှာတင် ချစ်စရာ ၊ ရင်ခုန်စရာကောင်းလွန်းတာကြောင့် ပရိတ်သတ်တို့လည်းအရမ်းသဘောကျမှာ သေချာပါတယ်။
Choi Siwon ကလည်း “ကျွန်တော်တို့ရဲ့ ပထမဆုံးရိုက်ကူးမှုက မနေ့တုန်းကလို ခံစားရတာကြောင့် ထုတ်လွှင့်မှုကို စောင့်မျှော်နေပြီး အသစ်အဆန်းဖြစ်မယ်လို့ ခံစားရပါတယ်။ သရုပ်ဆောင်များစွာနဲ့ ထုတ်လုပ်သူတွေနဲ့အတူ ရိုက်ကူးရေးတွေ အများကြီးကြိုးစားထားတဲ့ ‘Love is for Suckers’ ကိုကြည့်ရှုပြီး ကြည်နူးစရာကောင်းတဲ့ ဆောင်းရာသီကိုဖြတ်သန်းနိုင်ကြမယ်လို့ မျှော်လင့်ပါတယ်။ ကျေးဇူးပြုပြီး ကျွန်တော်တို့ကို အများကြီး အာရုံစိုက်ပေးပါ။” လို့လဲ ပြောကြားထားပါတယ်နော်။