ကိုရီးယား နဲ့ Hollywood Action ဇာတ်ကားတွေမှာအမြဲလိုလိုတွေ့ရတတ်တဲ့ မင်းသားကြီး Ma Dong Seok ဟာ သူရဲ့ချစ်ရတဲ့ချစ်သူ Ye Jung Hwa နဲ့ မနှစ်ကလက်ထပ်ခဲ့တာကိုနောက်ကျပြီးမှ ထုတ်ဖော်ပြောကြားလာခဲ့ပါတယ်။

သရုပ်ဆောင်ကြီး Ma Dong Seok ဟာ အောက်တိုဘာ ၂၀ ရက်နေ့မှာ ၁၂ကြိမ်မြောက်ကျင်းပပြုလုပ်တဲ့ Beautiful Artist Awards ဆုပေးပွဲမှာ ရုပ်ရှင်အနုပညာရှင်ကို ရရှိခဲ့ပါတယ်။ ဆုလက်ခံရရှိပြီးနောက် မင်းသားကြီး Ma Dong Seok ကကျေးဇူးတင်စကားပြောကြားချိန်မှာ “ကျွန်တော့ရဲ့ ‘The Outlaws 2’ [‘The Roundup’] လုပ်ဖော်ကိုင်ဖက်တွေအပြင် ကျွန်တော့ရဲ့ မိသားစုနဲ့ ကျွန်တော်ချစ်ရတဲ့ ဇနီး Ye Jung Hwa ကိုလည်း ကျေးဇူးတင်ပါတယ်။” လို့ပြောကြားသွားခဲ့ပါတယ်။ မင်းသားကြီး Ma Dong Seok နဲ့ ကျန်းမာရေးလေ့ကျင့်ရေးဆရာ Ye Jung Hwa တို့ဟာ 2016 ခုနှစ်ကတည်းက လူသိရှင်ကြား တွဲခဲ့ကြပေမယ့် သူတို့နှစ်ယောက်ရဲ့ လက်ထပ်ခြင်းကိုတော့ မကြေငြာသေးပါဘူး။ Ma Dong Seok ရဲ့ပြောကြားချက်ကိုတုံ့ပြန်မှုအနေနဲ့ သူ့ရဲ့အေဂျင်စီဖြစ်တဲ့ Big Punch Entertainment က “Ma Dong Seok နဲ့ Ye Jung Hwa တို့ဟာ မနှစ်က သူတို့ရဲ့လက်ထပ်မှုကို မှတ်ပုံတင်ခြင်းကိုပြုလုပ်ခဲ့ပါတယ်။ သူတို့ ၂ ယောက်ဟာ မအားလပ်တဲ့အချိန်ဇယားတွေကြောင့်လက်ထပ်ထားခြင်းကိုပရိသတ်တွေကိုအသိမပေးခဲ့တာဖြစ်ပြီး အခုမှသာထုတ်ဖော်ပြောကြား ခဲ့တာဖြစ်ပါတယ်။ နောက်ပိုင်းမှာ မင်္ဂလာပွဲကျင်းပဖို့ အစီအစဉ်ရှိပါတယ်။” လို့ပြောကြားခဲ့ပါတယ်။ မင်းသားကြီး Ma Dong Seok နဲ့ Ye Jung Hwa တို့ဟာ Big Punch Entertainment ဟာအတူပါဝင်လာခဲ့ပြီးနောက် ချစ်သူတွေဖြစ်လာခဲ့ပြီး 2016 ခုနှစ် နိုဝင်ဘာလတွင် သူတို့ ၂ ယောက်ရဲ့ချစ်သူဖြစ်နေကြတာကို အတည်ပြုခဲ့ပါတယ်။

Ma Dong Seok နဲ့ Ye Jung Hwa တို့အတွက် Congratulations ပါ။