iKON အဖွဲ့ကနေ Bobby ထွက်ခွာတော့မယ်ဆိုတဲ့သတင်းအမှားကိုငြင်းပယ်လိုက်တဲ့ YG Entertainment
YG Entertainment ကတော့ iKON ရဲ့ Bobby အေဂျင်စီကနေ ထွက်သွားတယ်ဆိုတဲ့ ကောလာဟလတွေကို ငြင်းဆိုလိုက်ပါတယ်။
Bobby ဟာ YG Entertainment နဲ့ စာချုပ်သက်တမ်းတိုးတော့မှာ မဟုတ်ဘူးလို့ K-POP Industry အတွင်းလူတစ်ဦးမှ ပြောကြားခဲ့ကြောင်း သတင်းဌာနတစ်ခုကဖော်ပြခဲ့ပါတယ်။ အဆိုပါ သတင်းအမှားကို တုံ့ပြန်သည့်အနေနဲ့ YG Entertainment ရဲ့ ကိုယ်စားလှယ်တစ်ဦးက “ကောလဟာလဟာ အခြေအမြစ်မရှိပါဘူး။ စာချုပ်မှာ အချိန်ကျန်ပါသေးတယ်။” လို့ပြန်လည်ချေပထားပါတယ်။ ဒါပေမယ့် လက်ရှိ စာချုပ်သက်တမ်းကုန်ဆုံးမည့်အချိန် နဲ့ သက်တမ်းတိုးရန် ဆွေးနွေးမှုများရှိမရှိ စတဲ့အသေးစိတ်အချက်အလက်များကိုတော့ YGက ပြောကြားခဲ့ခြင်းမရှိပါဘူး။
Bobby ဟာ 2015 ခုနှစ်မှာ iKON ရဲ့ အဖွဲ့ဝင်တစ်ဦးအဖြစ် “MY TYPE” Single Album နဲ့အတူပွဲဦးထွက်ခဲ့ပါတယ်။ ယခုနှစ် မေလအစောပိုင်းမှာ iKON ဟာ သူတို့ရဲ့ စတုတ္ထမြောက် မီနီအယ်လ်ဘမ် “FLASHBACK” နဲ့အတူ Comeback လာနိုင်ခဲ့ပါတယ်။