Seventeen အဖွဲ့ဟာဆိုရင်တော့ မကြာသေးခင်က မှ သူ့တို့ရဲ့ ပရိတ်သတ်တွေနဲ့ အတူ ပျော်စရာကောင်းတဲ့ Zoom နဲ့ Fan Meeting ကျင်းပခဲ့ကြပါတယ် ၊ပျော်စရာကောင်းတဲ့ အမှတ်တရတွေထဲက တစ်ခုကတော့ Seungkwan နဲ့ Joshua က သူတို့ရဲ့ အစ်ကိုကြီး စီနီယာဖြစ်သူ Kim Woo Bin ကိုချစ်စရာကောင်းစွာ တောင်းပန်စကားဆိုခဲ့ကြတဲ့အခိုက်အတန့်လေးပါ ၊ အကြောင်းအရင်းကတော့ သူတို့ရဲ့ Group Chat ထဲမှာ Joshua က သူဟာ ဒရာမာအတော်များများကို ကြည့်ရှူနေပြီး အဲ့ဒီ့ထဲမှာ Kim Woo Bin ရိုက်ကူးတဲ့Our Blues ဒရာမာဇာတ်လမ်းတွဲလည်းပါဝင်တယ်လို့ ပြောခဲ့ပါတယ် ၊ သူကြည့်နေတဲ့အချိန်အတွင်း တစ်စုံတစ်ခုကို သတိထားမိတာရှိတယ် အဲ့ဒါကတော့
Dino နဲ့ Our Blues ထဲက  Kim Woo Bin နဲ့က ဆံပင်ပုံစံချင်းဆင်တူနေတာပါလို့ ပြောလိုက်ပါတယ် ၊ အဲ့ဒီ့အချိန်မှာ Dino က ” Oh Thank You” ဆိုပြီး ကျေနပ်စွာတုံ့ပြန်ခဲ့ပါတယ် ၊Seungkwan ဟာ ” Kim Woo Bin Sunbae-nim (senior ) , I’m Sorry” ဆိုပြီးရီပြီးပြောခဲ့သလို ၊ Seungkwan နဲ့အတူ Joshua ဟာ အလျင်အမြန်မတ်တပ်ရပ်ပြီး ခါးကို ၉၀ဒီဂရီလောက်ရိုရိုသေသေကိုင်းပြီးတော့ ” I’m Sorry” ဆိုပြီးထပ်ပြောခဲ့ကြပါတယ် ၊ သူတို့နဲ့အတူ  Fan တစ်ယောက်ဟာဆိုရင်လည်း English လို ” I’m Sorry , Kim Woo Bin Sunbae”ဆိုပြီး အတူတူလိုက်တောင်းပန်ပေးထားတဲ့ Comment ရေးထားတာကိုဖတ်လိုက်ပြီးတဲ့အချိန်မှာ သဘောကျစွာနဲ့ အားလုံးပြိုင်တူ ရီမောခဲ့ကြပါသေးတယ်နော် ၊ ပရိသတ်တွေသတိမထားမိကြတဲ့ အချက်တစ်ချက်ကို Joshua က ထောက်ပြပြောဆိုရင်း အခုလို ချစ်စရာကောင်းတဲ့အပြုအမူလေးတွေနဲ့ ပြိုင်တူ တောင်းပန်ကြတာကလည်း Fan Meeting မှာ အမှတ်တရတစ်ခုလို ဖြစ်သွားစေခဲ့တာပါ