စစ်မှုထမ်းမှုကာလတွေ အဆုံးသတ်မှာတော့ EXO အဖွဲ့က reality series တစ်ခုဖြစ်တဲ့ ‘Travel Around The World On EXO’s Ladder’ Season 3 နဲ့ ပရိတ်သတ်တွေရှေ့မှောက်ကို ပြန်လည်ပေါ်ထွက်လာတော့မှာပါ။ ဒီ series မှာ စစ်မှုထမ်းနေရဆဲဖြစ်တဲ့ Baekhyun, Chen နဲ့ Chanyeol တို့က မပါဝင်နိုင်ပေမဲ့ စစ်မှုထမ်းကာလပြီးဆုံးသွားပြီဖြစ်တဲ့ Suho, D.O, Kai, Sehun တို့က ပါဝင်သွားမှာပါ။ အဖွဲ့ဝင်တွေအကုန်လုံးမပါဝင်နိုင်ပေမဲ့ စစ်မှုထမ်းကာလတစ်လျှောက် မမြင်တွေ့ခဲ့ရတဲ့ သူတို့တွေရဲ့ activity တွေကို ပြန်မြင်ရမှာဆို‌တော့ ပရိတ်သတ်တွေကတော့ ပျော်နေကြမှာပါနော်။ ဒီ series ကိုတော့ အဖွဲ့ဝင်တွေက Namhae ကျွန်းပေါ်မှာ ရိုက်ကူးသွားကြမှာပါ။ ဒီကျွန်းဟာဆိုရင် တောင်ကိုရီးယားမှာ ငါးခုမြောက်အကြီးဆုံးကျွန်းဖြစ်ပြီး ကျွန်းပတ်လည်မှာ လှပတဲ့ပင်လယ်ကြီးကို မြင်တွေ့နိုင်တာမလို့ လှပတဲ့ရှုခင်းတွေကြောင့် နာမည်ကြီးပါတယ်။ ဒီလိုလှပတဲ့ကျွန်းပေါ်မှာ အဖွဲ့ဝင်တွေက ဘယ်လိုတွေရိုက်ကူးသွားကြမလဲဆိုတာ ကြိုတင်ရင်ခုန်ရင်း သုံးနှစ်တာကာလလုံး စောင့်ဆိုင်းခဲ့ရတဲ့ EXO အဖွဲ့ရဲ့ Comeback ကို ကြိုဆိုလိုက်ကြရအောင်။ ဒီ series ကိုတော့ video platform တစ်ခုဖြစ်တဲ့ ‘Wavve’ ကနေ ထုတ်လွှင့်သွားမှာပါနော်။