အခုဆိုရင် ကမ္ဘာကြီးမှာ တစ်နေ့ထက်တစ်နေ့ရောဂါဘယတွေပိုမိုထူပြောလာတာကိုတွေ့ရပါတယ်။
ကြိုတင်ကာကွယ်ခြင်းဟာ ကုသခြင်းထက်ပိုကောင်းတဲ့အတွက်ကြောင့် ကိုယ်ခံအားကောင်းပြီး ကျန်းမာတဲ့နေထိုင်မှုပုံစံကို ဘယ်လိုပြောင်းလဲမလဲဆိုတာကို ပြောပြပေးချင်ပါတယ်။

ကျန်းမာတဲ့ နေထိုင်မှုဘဝကို သွားမယ်ဆိုရင် နေ့စဉ်စားသောက်နေတဲ့ အစားအသောက်ပုံစံကို စနစ်တကျဖြစ်အောင် ပြောင်းလဲပေးရပါမယ်။ ကျန်းမာရေးနဲ့ညီညွှတ်တဲ့ စားသောက်မှုပုံစံက ရောဂါဘယတွေကို ကာကွယ်ပေးနိုင်ပါတယ်။ ကျန်းမာရေးနဲ့ညီညွှတ်တဲ့ စားသောက်မှုပုံစံမှာ အဓိကအချက်က ရေများများသောက်ဖို့လိုတာဖြစ်ပါတယ်။ တစ်ရက်ကို ရေ(၂)လီတာလောက် ပုံမှန်သောက်သင့်ပါတယ်။ ရေဆာရင်ရေဘဲသောက်သင့်ပါတယ် ရေအစား အချိုရည်သောက်တာမျိုး ရှောင်သင့်ပါတယ်။ အချိုရည်ကြိုက်နှစ်သက်တဲ့သူတွေအတွက်ကတော့ သကြားအခြေခံထုတ်ထားတဲ့ အချိုရည်တွေအစား သဘာဝသစ်သီးဖျော်ရည်ကို သောက်သင့်ပါတယ်။ အသီးအနှံနဲ့ ဟင်းသီးဟင်းရွက် များများစားပေးသင့်ပါတယ်။ အသီး အရွက်တွေမှာပါတဲ့ ဇင့်ဓာတ်၊ ဆီလီနီယမ်၊ သံဓာတ်၊ ကော့ပါး၊ ဖောလစ်အက်ဆစ်၊ ဗီတာမင် A, B6, Cနဲ့ E တို့က ကိုယ်ခံအားစနစ်ကိုကောင်းမွန်စေပါတယ်။ အသီးအရွက်တွေကိုလဲ ဆား ဒါမှမဟုတ် ဗနီကာရည်နဲ့သေချာ စင်ကြယ်အောင်ဆေးကြောသင့်ပါတယ်။ ဟင်းချက်တဲ့အခါမှာလဲ ကောင်းမွန်တဲ့ဆီကို သုံးပြီးချက်ပြုတ်သင့်ပါတယ်။ Fast Foodတွေ Readymade Food တွေကို အတက်နိုင်ဆုံးရှောင်ရှားသင့်ပါတယ်။ ပြုပြင်ထားခြင်းမရှိတဲ့ အိမ်လုပ်အစားအစာတွေကို စားမယ်ဆိုရင်တော့ အကောင်းဆုံးပါဘဲ။ စည်သွပ်ဘူးတွေ၊ ကြက်အူချောင်း၊ ဝက်အူချောင်း အစရှိသဖြင့် ပြုပြင်ထားတဲ့အစားအသောက်တွေအစားလတ်လတ်ဆတ်ဆတ် အသီးအရွက်နဲ့ အသားငါးတွေကို ဦးစားပေး စားသုံးသင့်ပါတယ်။ လူတယောက်မှာ မနက်စာဟာလဲ အရေးကြီးတဲ့အခန်း ကဏ္ဍကနေ ပါဝင်နေပါတယ်။ အိပ်ခါထပြီး နာရီဝက်အတွင်းမှာ မနက်စာကိုသေသေချာချာဝလင်အောင် စားသင့်ပါတယ်။ ပရိုတင်းဓာတ်အဓိကပါဝင်တဲ့ ပဲ၊ ကြက်ဥ၊ ဘဲဥ စသည်တို့ကို အဓိကပါဝင်အောင်စားသင့်ပါတယ်။ နေ့လည်စာကိုတော့ အသီးအရွက်နဲ့ အသားငါးကို သင့်တင့်မျှတအောင်စားသင့်ပြီး ညနေစာကို အတတ်နိုင်ဆုံးမစားမိအောင်နေသင့်ပါတယ်။ အဆာပြေအနေနဲ့ သစ်သီးတွေ မြေပဲဆံ၊ သစ်ကြားသီး၊ဗန်ဒါစေ့တို့လို အစေ့အဆံတွေကို စားသင့်ပါတယ်။ ရေနွေးကြမ်းကိုလဲ တနေ့၂ခွက် ပုံမှန်သောက်ပေးသင့်ပါတယ်။ လက်ဖက်ခြောက်ဟာဆိုရင် ကိုယ်တွင်းက သကြားဓာတ်ကို လျော့ချပေးပြီး ဆာလောင်မှုကို ပယ်ဖျောက်ပေးပါတယ်။ သကြားဓာတ်ကိုအတတ်နိုင်ဆုံးလျော့ချမှသာ အရွယ်မတိုင်ခင် ဆီးချို သွေးချို သွေးတိုးဖြစ်ခြင်းကိုကာကွယ်ပေးနိုင်မှာ ဖြစ်ပါတယ်။ နောက်အရေးကြီးတဲ့တခုက အရက်၊ ဘီယာနဲ့ ဆေးလိပ်သောက်ခြင်းကို လျော့ချသင့်တာဖြစ်ပါတယ်။ ကိုယ့်အရပ် ကိုယ့်ခန္ဓာကိုယ်တဲ့ သင့်တင့်လျောက်ပတ်တဲ့ အလေးချိန်ကိုလဲ ထိန်းသိမ်းထားသင့်ပါတယ်။ ကိုယ်လက်လှုပ်ရှားမှု ပုံမှန်လုပ်သင့်ပါတယ်။ Gym ကစားမှ ကိုယ်လက်လှုပ်ရှားမှုလုပ်တာမဟုတ်ပါဘူး လမ်းလျှောက်သွားလို့ရတဲ့ အကွာဝေးဆိုရင် လမ်းလျှောက်သွားပါ။ တတ်နိုင်သလောက် ဓာတ်လှေကားကို အသုံးမပြုဘဲ ခြေထောက်ကို အသုံးပြုပြီးတက်တာမျိုးကို လုပ်ပေးသင့်ပါတယ်။ အိပ်ချိန်ကိုလဲ သေချာသတ်မှတ်ပြီး အိပ်ရေး၀၀ အိပ်သင့်ပါတယ်။ ညအိပ်ချိန် ရုပ်ရှင်ကြည့် Social Mediaတွေ Internetတွေ အသုံးပြုတာထက် စာအုပ်ဖတ်ပြီး အိပ်တာက ပိုပြီး အဆင်ပြေတယ်လို့ ပြောပြပေးချင်ပါတယ်။ အိပ်ရေးဝမှ တနေ့တာလုပ်ငန်းဆောင်တာတွေကို စိတ်ကြည်ကြည်လင်လင်နဲ့ သေချာဆောင်ရွက်နိုင်မှာပါ။ နောက်အရေးကြီးတဲ့တခုကတော့ တစ်ကိုယ်ရေသန့်ရှင်းမှုကိုအလေးထားပြီးလုပ်ဆောင်သင့်ပါတယ်။ ရေပုံမှန်ချိုးတာမျိုး ခြေသည်းလက်သည်းပုံမှန်ညှပ်ခြင်းတွေ လက်ကိုမကြာခန ဆေးကြောပေးတာမျိုးတွေလို အခြေခံကျတဲ့ အချက်တွေကိုလဲ မမေ့မလျော့လုပ်သင့်ပါတယ်။ ဒီအချက်တွေကို သေချာလိုက်နာကျင့်သုံးမယ်ဆိုရင် ကျန်းမာပျော်ရွှင်တဲ့နေ့ရက်တွေကို ပိုင်ဆိုင်ရမှာ မလွဲဧကန်ပါဘဲရှင်

#Chelmo