သံလွင်ဟာဆိုရင် ကျန်းမာရေးအတွက် ကောင်းပြီး ခန္ဓာကိုယ်အတွက် အသုံးဝင်တဲ့ သဘာဝဆေးစွမ်းကောင်းတစ်ခုဆိုလည်း မမှားပါဘူး။ အရေပြားအတွက် သံလွင်ဆီရဲ့အသုံးဝင်ပုံတွေကိုဖော်ပြပေးလိုက်ပါတယ်။

Soften the Hands

နူးညံ့တဲ့လက်ချောင်းလေးတွေရဖို့အတွက် နေ့စဉ်နေ့တိုင်း လက်ချောင်းလေးတွေကို သံလွင်ဆီလိမ်းပေးပါ။ ရက်အနည်းငယ်ကြာတဲ့အခါမှာ သင့်လက်ချောင်းလေးတွေဟာ ပိုးသားလေးလို နူးညံ့လာပါလိမ့်မယ်။

Prevent Wrinkles

သံလွင်ဆီဟာဆိုရင် မျက်နှာပေါ်မှာ အရေးအကြောင်းများ မဖြစ်အောင် ကာကွယ်ပေးရုံသာမကပဲ ရှိနေတဲ့ အရေးအကြောင်းများကိုလည်း လျော့ပါးစေပါတယ်။ သံလွင်ဆီမှာ ဗီတာမင် E, phytosterols နဲ့ polyphenols စတဲ့ အစွမ်း သတ္တိတွေ ပါဝင်တဲ့အတွက်ကြောင့် အချိန်မတန်မီ အိုမင်းရင့်ရော်ခြင်း နဲ့ ခရမ်းလွန်ရောင်ခြည်ကို ကာကွယ်ပေးနိုင်ပါတယ်။

Moisturizes Skin

သံလွင်ဆီမှာ ဗီတာမင် E နဲ့ antioxidant ပါဝင်တဲ့အတွက်ကြောင့် အရေပြားအတွက် အခြားရောဂါများမဖြစ်အောင် ကာကွယ်ပေးပြီး မျက်နှာအသားအရေကို အစိုဓာတ်ပေးပါတယ်။ သံလွင်ဆီဟာဆိုရင် မျက်နှာပေါ်မှာရှိတဲ့ အဆီအညစ်အကြေးတွေကို ဖယ်ရှားပေးနိုင်တဲ့အတွက် အစိုဓာတ်လည်းပြည့်ဝပြီး အသားအရေ ပြောင်လက်လာမှာဖြစ်ပါတယ်။ မျက်နှာကို စင်ကြယ်အောင်သန့်စင်ပြီး သံလွင်ဆီလိမ်းပေးပါ။ ၁၅ မိနစ်ခန့် နှိပ်နယ်ပြီး ရေနွေးနဲ့ ဆေးချလိုက်ပါ။ အသားခြောက်တဲ့သူတွေကတော့ သံလွင်ဆီကို တစ်ညလုံး လိမ်းထားပြီး နောက်နေ့မနက်မှာ မျက်နှာသစ်ဆေး အပျော့စားနဲ့ သစ်ပြီးရေဆေးချလိုက်ပါ။

Remove Makeup

သံလွင်ဆီကို မိတ်ကပ်ဖျက်တဲ့အခါမှာလည်း အသုံးပြုလို့ရပါတယ်။ သံလွင်ဆီက ချွေးပေါက်ထဲမှာ ရှိတဲ့ ဖုန်မှုန့်နဲ့ အညစ်အကြေးတွေကို ဖယ်ရှားသန့်စင်ပေးနိုင်ပါတယ်။ သံလွင်ဆီ စားပွဲတင်ဇွန်း ၂ဇွန်းထဲကို သန့်ရှင်းတဲ့ ဂွမ်းလုံးလေးတွေနှစ်ထည့်လိုက်ပါ။ မျက်နှာပေါ်က မိတ်ကပ်တွေကို ဖြည်းညင်းစွာပွတ်ပြီး ဖယ်ရှားနိုင်ပါတယ်။ သံလွင်ဆီမှာ အာဟာရဓာတ်များစွာ ပါဝင်ပြီး အရေပြားကျန်းမာကောင်းမွန်စေပါတယ်။ အရေပြားရောင်ရမ်းခြင်းမှလည်းကာကွယ်ပေးနိုင်ပါတယ်။

Skin Exfoliation

သံလွင်ဆီက ဝက်ခြံကိုလည်း ပျောက်ကင်းစေနိုင်ပါတယ်။ မျက်နှာကြေးချွတ်တဲ့နေရာမှာလည်း အသုံးပြုနိုင်ပါတယ်။ သံလွင်ဆီ စားပွဲတင်ဇွန်း ၁ ဇွန်း နဲ့ ဆား စားပွဲတင်ဇွန်း တစ်ဝက်ကို ရောမွှေလိုက်ပါ။ မျက်နှာပေါ်ကိုတင်ပြီး ၁မိနစ်ခန့် ဖြည်းညင်းစွာ ပွတ်တိုက်ပေးပါ။ ပြီးရင်တော့ ရေနွေးနဲ့ဆေးချလိုက်ပါ။

As a Lip Scrub

ပန်းရောင်သန်းပြီး နူးညံ့တဲ့ နှုတ်ခမ်းလေးပိုင်ဆိုင်ဖို့အတွက် သံလွင်ဆီက အကူအညီပေးနိုင်ပါတယ်။ သကြားညို၊ သံလွင်ဆီအနည်းငယ်နဲ့ သံပုရာရည်တို့ကို ရောမွှေပြီး နှုတ်ခမ်းပေါ်မှာ ၅မိနစ်လိမ်းထားလိုက်ပါ။ ပြီးနောက်ရေဆေးချလိုက်ပါ။ သံလွင်ဆီက နှုတ်ခမ်းသားအတွက် နူးညံံ့မှုကိုပေးနိုင်ပြီး သကြားညို နဲ့ သံလွင်ဆီကတော့ ဆဲလ်အသေတွေကို ဖယ်ရှားပေးနိုင်ပါတယ်။

Keeps Hair Healthy

သံလွင်ဆီမှာရှိတဲ့ ဗီတာမင် E က ဆံပင် ကျွတ်ခြင်းမှ ကာကွယ်ပေးနိုင်ပါတယ်။ ခေါင်းမလျှော်ခင် သံလွင်ဆီကို လိမ်းထားပြီး ပေါင်းထားပေးပါက ဆံပင်ကို နက်မှောင်သန်စွမ်းစေပြီး ဆံပင်ပေါက်နှုန်းများလာစေပါတယ်။

ကဲ….သံလွင်ဆီက ရရှိတဲ့ကောင်းကျိုးတွေကတော့ အများကြီးပါပဲ။ ကိုယ့်အိမ်မှာ ဟင်းချက်တဲ့ သံလွင်ဆီပဲဖြစ်ဖြစ်ရှိရင်တောင် အခုပဲ အသားအရေကောင်းလာအောင် မြန်မြန် လုပ်ကြတော့နော်။