ဒီတစ်ခါမှာတော့ Chelmo ရဲ့ ပရိသတ်တွေကို ကမ္ဘာတစ်လွှားမှာ ထူးထူးခြားခြား သေဆုံးခဲ့သူ အချို့ရဲ့ အကြောင်းလေးတွေကို တင်ဆက်ပေးလိုက်ပါတယ်။

BC 620 က ဂရိနိုင်ငံရေးသမားဖြစ်သူ Draco ဟာ တစ်ရက်မှာ သူ့ကိုချစ်တဲ့ ပြည်သူတွေက လက်ဆောင် အဖြစ် ဝက်ရုံတွေ၊ ဦးထုပ်တွေနဲ့ ပစ်ပေါက်အားပေးကြရင်း အဲဒီပစ္စည်းတွေပိပြီး သေဆုံးခဲ့ရပါတယ်။

BC 279 က ဂရိအတွေးအခေါ်ပညာရှင် Chrysippus ဟာ တစ်ရက်မှာ မြည်းတစ်ကောင်ကို ဝိုင်တိုက်ခဲ့ပါတယ်။ အဲဒီမြည်း မူးနေတာကို ကြည့်ရယ်ရင်း အရယ်လွန်ပြီး အမောဆို့ သေဆုံးခဲ့ရပါတယ်။

Ohio မှ ရှေ့နေတစ်ဦး ဖြစ်သူ Clement Vallandigham ဟာ (၁၈၇၁) ခုနှစ်က လူသတ်မှု တစ်ခုမှာ တရားခံဘက်ကနေ ရှေ့နေလိုက်ပေးခဲ့ပါတယ်။ သူက ဒီအမှုမှာ သေဆုံးသူဟာ အသတ်ခံရတာ မဟုတ်ဘဲ ကိုယ့်ကိုယ်ကို သတ်သေတာဖြစ်ကြောင်း သရုပ်ပြရင်း သူ့ကိုယ်သူ မတော်တဆ သေနတ်နဲ့ ပစ်မိခဲ့ပါတယ်။ သူရှေ့နေလိုက်ပေးခဲ့တဲ့ တရားခံကတော့ အမှုက ကွင်းလုံးကျွတ်လွတ်ခဲ့ပေမယ့် သူကတော့ အဲဒီ့သေနတ်ဒဏ်ရာနဲ့ သေဆုံးခဲ့ရပါတယ်။

(၁၉၈၉) ခုနှစ်က တောင်ကယ်ရိုလိုင်းနားမှာ လျှပ်စစ်ထိုင်ခုံနဲ့ ကွက်မျက်ရန် သေဒဏ်ချမှတ်ခံထားရသူ Michael Anderson Godwin ဟာ သူ့ရဲ့ သေမိန့်ကို စောင့်ဆိုင်းနေစဉ် ကာလ အတွင်းမှာပဲ ထောင်ထဲမှာ သတ္ထုအိမ်သာနဲ့ အိမ်သာတက်ရင်း ဓာတ်လိုက် သေဆုံးခဲ့ပါတယ်။

Toronto က အသက် (၃၈) နှစ် အရွယ် ရှေ့နေတစ်ဦးဖြစ်သူ Garry Hoy ဟာ သူ့ရုံးမှာ တပ်ဆင်ထားတဲ့ မှန်တွေဟာ မကွဲနိုင်တဲ့ မှန်တွေဖြစ်ကြောင်း သူ့မိတ်ဆွေတွေကို ပြောခဲ့ပါတယ်။ နောက်ပြီး အဲဒီ့မှန်တွေကို သူ့ကိုယ်လုံးနဲ့ ပြေးတိုက်ပြလိုက်တဲ့ အခါ မှန်တွေက မကွဲဘဲ အချပ်လိုက် ပြတင်းပေါက်ကန ပြုတ်ထွက်သွားခဲ့ပါတယ်။ သူလည်း ပြုတ်ထွက်သွားတဲ့ မှန်ချပ်နဲ့အတူ (၂၄) ထပ် ကနေ ပြုတ်ကျပြီး သေဆုံးသွားခဲ့ပါတယ်။

(၁၉၇၉) ခုနှစ်က Ford ကားစက်ရုံမှာ အလုပ်လုပ်တဲ့ Robert Williams ဟာ ကားတပ်ဆင်တဲ့ စက်ရုပ်လက်နဲ့ ခေါင်းကို ထိခိုက်မိပြီး သေဆုံးခဲ့ပါတယ်။

ဂရိစာဆို Aeschylus ဟာ တစ်ရက်မှာ အိမ်အပြင်ဘက်မှာ ထိုင်နေစဉ် သိမ်းငှက်တစ်ကောင်က လိပ်ကိုချီလာပြီး သူ့ရဲ့ ခေါင်းပေါ်ကို ပစ်ချခဲ့တာကြောင့် သေဆုံးခဲ့ရပါတယ်။

Vikin သူရဲကောင်း Sigurd The Mighty ဟာ တိုက်ပွဲတစ်ခုမှာ သူဖြတ်ပြီး ယူလာတဲ့ ရန်သူရဲ့ ခေါင်းပြတ်မှ သွားနဲ့ သူ့ရဲ့ပေါင်ကို ခြစ်မိရာက တစ်ဆင့် ဒဏ်ရာ ပိုးဝင်ပြီး သေဆုံးခဲ့ပါတယ်။

(၁၅၆၇) ခုနှစ်က Braunau (အခု သြစတြီးယား) မှ မြို့ပိုင်တစ်ဦးဖြစ်သူ Hans Steininger မှာ (၄)ပေခွဲရှည်တဲ့ မုတ်ဆိတ်မွှေးကြီး ရှိပါတယ်။ တစ်နေ့မှာ လမ်းလျှောက်ထွက်ရင်း သူ့ရဲ့ မုတ်ဆိတ်မွှေးကို တက်နင်းမိပြီး ချှော်လဲကာ ဇတ်ကျိုး သေဆုံးခဲ့ပါတယ်။

#Chelmo #ChelmoTeam