K-pop boy group တစ်ခုဖြစ်တဲ့ SHINee အဖွဲ့ရဲ့ အဖွဲ့ဝင် MINHO ဟာ ‘Lovestruck in the City’ ဆိုတဲ့ ရိုမန့်ဒရာမာမှာပါဝင်မယ်လို့ အတည်ပြုလိုက်ပါတယ်။ဒီဇင်ဘာ ၇ ရက်နေ့မှာ MINHO ရဲ့ အေဂျင်စီဖြစ်တဲ့ SM Entertainment ကလည်း KaKaoTV ရဲ့ စီးရီးဖြစ်တဲ့ Lovestruck မှာ ပါဝင်မယ်လို့အတည်ပြုပေးခဲ့ပါတယ်။

‘Lovestruck in the City’ ဆိုတဲ့ ရိုမန့်ဒရာမာမှာတော့ မင်းသား Ji Chang Wook နဲ့ မင်းသမီး Kim Jiwon တို့ကအဓိကသရုပ်ဆောင်တွေအဖြစ်ပါဝင်မှာဖြစ်ပါတယ်။ဒီဇာတ်လမ်းမှာတော့ အလုပ်အကိုင်အခွင့်အလမ်းတွေများတဲ့မြို့မှာနေထိုင်တဲ့ လူငယ်စုံတွဲလေးတွေရဲ့ လက်တွေကျတဲ့ချိန်းတွေ့မှုပုံစံလေးတွေပါဝင်သွားမှာပဲဖြစ်ပါတယ်။MINHO ကတော့ ကြင်နာပြီးနားလည်မှုအပြည့်ရှိတဲ့ ရဲအရာရှိတစ်ယောက်အဖြစ်ပါဝင်မှာဖြစ်ပြီး ဇာတ်ကောင်နံမည်ကတော့ Oh Dong-shik ဖြစ်ပါတယ်။ဒီဒရာမာကတော့ MINHO ရဲ့ စစ်မှုထမ်းကာလပြီးဆုံးပြီးနောက် ပထမဆုံးထွက်ရှိလာမယ့် ဒရာမာလည်းဖြစ်ပါတယ်။’Lovestruck in the City’ ရဲ့ ပထမဆုံးအပိုင်းကိုတော့ ဒီဇင်ဘာ၂၂ ရက်မှာထုတ်လွှင့်မယ်လို့သိရပါတယ်။