Love Alarm ဒရမ်မာထဲမှာအဓိကသရုပ်ဆောင်အနေနဲ့ပါဝင်ဖို့ ကမ်းလှမ်းခံရပေမယ့် အကြောင်းအမျိုးမျိုးကြောင့် မပါဝင်ဖြစ်ခဲ့တဲ့ Ahn Hyo Seop ကို ရောင်းအားအကောင်းဆုံးဝတ္ထုတစ်ခုကိုပြန်လည်ရိုက်ကူးထားတဲ့ ရှေးခေတ် ဒရမ်မာတစ်ခုမှာပြန်တွေ့ရတော့မှာဖြစ်ပါတယ်။ဒီဝတ္ထုကို ဖန်တီးရေးသားသူဟာ ပရိသတ်တွေအချစ်ကိုရရှိခဲ့တဲ့ Sungkyunkwan Scandal နဲ့The Moon Embracing the Sun ဒရမ်မာတွေရဲ့နောက်ကွယ်က ဖန်တီးသူ စာရေးဆရာလည်းဖြစ်ပါတယ်။

ဒရမ်မာရဲ့နာမည်ကိုတော့ မူရင်း ဝတ္ထုရဲ့ခေါင်းစဉ်အတိုင်း Hong Chun Gi လို့ပေးထားပြီး Ahn Hyo Seop ကိုတော့ အမြင်အာရုံချို့ယွင်းနေပေမယ့် နက္ခတ်တွေကိုတော့ဖတ်နိုင်တဲ့ မျက်မမြင် နက္ခတ်ဗေဒပညာရှင်လေးအနေနဲ့
တွေ့ရမှာပါ။ Kim Yoo Jung ကတော့ မျက်မမြင်တစ်ဦးအဖြစ်မွေးဖွားလာခဲ့ပေမယ့် သဘာဝလွန်စွမ်းအားတွေနဲ့မျက်လုံးပြန်မြင်ခဲ့တဲ့ ဂျိုဆွန်ခေတ် ပန်းချီဆရာမလေး Hong Chun Gi အနေနဲ့သရုပ်ဆောင်ထားတာဖြစ်ပါတယ်။ Hong Chun Gi ဟာလှပပြီးအကောင်းမြင်တတ်တဲ့ စိတ်ထားရှိတဲ့အပြင် လူတွေရဲ့ မှတ်ဉာဏ်အရသူတို့စိတ်ကို ဖတ်နိုင်တဲ့ သဘာဝလွန်စွမ်းအားတွေလည်း ပိုင်ဆိုင်ထားပါတယ်။

Ahn Hyo Seop ဟာRomantic Dr.Kim 2 ထဲမှာ ဂျစ်ကန်ကန် ဆရာဝန်လေးအနေနဲ့ ပရိသတ်ရဲ့နှလုံးသားကို ဖမ်းစားနိုင်ခဲ့တာဖြစ်ပါတယ်။သူဟာ သရုပ်ဆောင်တဲ့အခါ စိတ်နှစ်ပြီးသရုပ်ဆောင်တတ်ပြီးသူရဲ့ ပီပြင်တဲ့သရုပ်ဆောင်မှုတွေအပြင် ချောမောတဲ့ရုပ်ရည်နဲ့ လူတိုင်းမော့ကြည့်ရတဲ့ အရပ်အရှည်ကြီးကြောင့် တကယ့်ကိုပြည့်စုံလွန်းတဲ့သရုပ်ဆောင်ကောင်းတစ်ယောက်ပါပဲ။

Kim Yoo Jung ကလည်းကလေးသရုပ်ဆောင်ဘဝတည်းက ပြည်သူ့အချစ်တော်လေးဖြစ်ပြီး ပရိသတ်မျက်စိရှေ့မှာတင် လှလှပပနဲ့ အရွယ်ရောက်ကြီးပြင်းလာတဲ့ သရုပ်ဆောင်ကောင်းတစ်ယောက်ဖြစ်ပါတယ် Kim Yoo Jung ပါဝင်ခဲ့တဲ့ Moonlight Drawn By Cloudsဟာလည်းပရိသတ်တွေ နှစ်ခြိုက်ခဲ့ကြတဲ့ ဒရမ်မာကောင်းတစ်ခုဖြစ်ပါတယ်။အရည်အချင်းရှိတဲ့ သရုပ်ဆောင်တွေနဲ့စာရေးဆရာတွေပေါင်းစုနေတဲ့ ဒရမ်မာတစ်ခုဖြစ်တာကြောင့် ပရိသတ်တွေကလည်းအများကြီး မျှော်လင့်နေကြပါတယ်။