၂၀၂၁ ရဲ့နှစ်စဟာ လူကြိုက်များထင်ရှား ကျော်ကြားတဲ့ “Crash Landing On You” ဇာတ်လမ်းတွဲရဲ့ အဓိက သရုပ်ဆောင်နှစ်ဦးဖြစ်တဲ့ Hyun Bin နဲ့ Son Ye Jin တို့တွဲနေကြတယ်ဆိုတဲ့ သတင်းနဲ့ ပရိသတ်တွေကို စိတ်လှုပ်ရှားစေခဲ့ပါတယ်။

Son YeJin နဲ့  Hyun Bin ဟာ “Crash Landing On You” ဇာတ်လမ်းတွဲမှာလည်း အတွဲအညီညီသရုပ်ဆောင်ပြီး ပရိသတ်တွေကလည်းတွဲစေချင်လောက်တဲ့အထိ Chemistry ကောင်းခဲ့ကြတာပါ။ ၂၀၂၁ ရဲ့နှစ်စမှာတော့ သူတို့တွဲနေကြတာ ရှစ်လလောက်ရှိပြီဆိုတဲ့သတင်းနဲ့ ပရိသတ်တွေရဲ့ဆန္ဒပြည့်သွားခဲ့တာပါ။နှစ်ဖက်လုံးရဲ့ အေဂျင်စီတွေကလည်း တရားဝင်အသိပေးခဲ့ကြပြီး သူတို့ချစ်သူနှစ်ဦးရဲ့ အနုပညာလှုပ်ရှားမှုတွေကို တူတူမြင်တွေ့ရမလားဆိုတာကို ရင်ခုန်စွာနဲ့စောင့်ကြည့်ရမှာပါ။

Hyun Bin နဲ့ Son YeJin တို့ရဲ့ Dating Newsထွက်လာပြီးတဲ့အခါမှာ Son YeJin ရဲ့ ideal typeနဲ့ပက်သက်တဲ့ အကြောင်းကို K-netizen  တွေကပြန်လည်ရှာဖွေခဲ့ကြတာဖြစ်ပါတယ်။ Son YeJin က၂၀၁၂ ကSBS ရဲ့အစီအစဉ် တစ်ခုမှာ  သူမဖခင်လို အမျိုးသားမျိုုးကို ဆွဲဆောင်မှုအရှိဆုံးလို့ထင်ပါတယ်လို့ပြောခဲ့တာဖြစ်ပါတယ်။ အဲ့ဒီအစီအစဉ်မှာ Son YeJin အသက်ခြောက်နှစ်အရွယ်က သူမ မိသားစုရဲ့ ဓာတ်ပုံကိုဖော်ပြခဲ့ပြီး Son YeJin ရဲ့ဖေဖေဟာသူမနောက်မှာရပ်နေခဲ့တာပါ။မပြင်မဆင်ထားတဲ့ သာမာန်မိသားစုပုံလေးဖြစ်ပေမယ့် ဓာတ်ပုံထဲမှာတောင် သူမဖေဖေဟာ အရပ်ရှည်ရှည်နဲ့  ကြည့်ကောင်းနေတာသိသာပါတယ်။

ပရိသတ်တချို့ကတော့Son YeJin ရဲ့ ဖခင်ပုံဟာ Hyun Bin နဲ့ခပ်ဆင်ဆင်နဲ့တူပါတယ်လို့ပြောကြပါတယ်။

Chelmo ရဲ့ပရိသတ်ကြီးရော ဘယ်လို ထင်လဲ။