Drama ဇာတ်လမ်းတို့ရဲ့ ဘုရင်မလို့ခေါ်ရလောက်တဲ့ မင်းသမီးချောလေး Park Min Young ဟာဆိုရင်တော့ Drama ကားပေါင်းများစွာကို ရိုက်ကူးပြီးအောင်မြင်မှုတွေတသီကြီးနဲ့ ပရိတ်သတ်တွေရဲ့ အသည်းတစ်နေရာကို ယူထားတဲ့ မိန်းကလေးတစ်ဉီးပဲဖြစ်ပါတယ်။

သူမဟာများသောအားဖြင့် ဖော်ရွေပြီး ချစ်စရာကောင်းတဲ့ character မျိုးနဲ့ပဲ သရုပ်ဖော်တတ်ပေမဲ့ ဒီတစ်ခါမှာတော့ Cruel Story Of Office Romance ဆိုတဲ့ ဒရာမာဇာတ်လမ်းအသစ်မှာ အနေထိုင်အေးစက်ပြီး ထက်မြတ်တဲ့ မိန်းကလေးတစ်ဉီးအနေနဲ့ ပါဝင်သရုပ်ဆောင်မှာပါ။

Cruel Story Of Office Romance ဆိုတဲ့ ဇာတ်ကားလေးကတော့ ကိုရီးယားနိုင်ငံရဲ့ မိုးလေဝသရာသီဉတု ကို ကြိုတင်ခန့်မှန်းပြီး ဝန်ဆောင်မှုပေးတဲ့ လုပ်ငန်းစုတစ်ခုမှာ တွေ့ရမဲ့ ရုံးတွင်းပိုင်းဆိုင်ရာ ပြသနာတွေနဲ့ ဝန်ထမ်းတွေရဲ့နေ့စဉ်ဘဝကြားက ဖြစ်ပေါ်လာတဲ့ ချစ်ခြင်းမေတ္တာတရားကို ပုံဖော်ရိုက်ကူးထားတာပဲဖြစ်ပါတယ်။

ဒီဇာတ်လမ်းထဲမှာတော့ Park Min Young , Song Kang , Girl’s Day’s Yura , Yoon Park တို့ပါဝင်ပြီး မင်းသမီးချောလေး ပက်မင်ယောင်က ထက်မြက်ပြီး ပေါင်းသင်းရခက်တဲ့အပြင် အလုပ်နဲ့ Personal ကိုမရောဘဲ professional ကျကျ လုပ်ကိုင်တတ်တဲ့ မိန်းကလေးမျိုးအဖြစ်တွေ့ရမှာပါ။

သူမရဲ့ အေးတိအေးစက် ပြောဆိုတတ်ပုံကြောင့် အပေါင်းသင်းနည်းပြီး ရုံးရဲ့အပြင်လူတစ်ယောက်လိုဖြစ်သွားရတဲ့ အကြောင်းကိုလည်း စိတ်ဝင်စားဖွယ်ကြည့်ရှူရမှာပဲဖြစ်ပါတယ်။

ဒီဇာတ်လမ်းလေးကိုတော့ လာမဲ့ ၂၀၂၂ ထဲမှာ ထုတ်လွှင့်ပြသသွားမယ်လို့ လည်းသိရှိရပါတယ်။