“လူတိုင်းက သူတို့ကြိုက်တဲ့သူနဲ့ ဒိတ်နိုင်တာပဲလေ အိုကေ။ မင်းက idol တစ်ယောက်ဖြစ်နေတယ်ဆိုရင်တောင် ကိစ္စမရှိဘူး” ဒါကတော့ Jessi က သူ့စိတ်ထဲမှာရှိတာကို ပွင့်ပွင့်လင်းလင်းပြောခဲ့တဲ့စကားတွေထဲက တစ်ခုပါ။ သူမစိတ်ထဲမှာရှိတာကို ပွင့်ပွင့်လင်းလင်းပြောတတ်ပြီး စံနှုန်းတွေကို ဂရုမစိုက်ပဲ လုပ်ချင်တာတွေကို စိတ်ထဲရှိတဲ့အတိုင်း ‌ပြောတတ်တာကြောင့် စံနှုန်းတွေကို ဂရုစိုက်တတ်ကြတဲ့ ကိုရီးယားနိုင်ငံမှာတော့ ပွင့်လင်းလွန်းတယ်ဆိုပြီး အဝေဖန်ခံရတာတွေလည်း ရှိခဲ့ပါတယ်။ ဘယ်သူတွေ ဘယ်လိုပြောပြော Jessi က‌တော့ သူ့စိတ်ထဲမှာရှိတဲ့အတိုင်း ပြောတတ် နေတတ်တာကြောင့် သူမရဲ့ပုံစံကို bold ဖြစ်တယ်ဆိုပြီး သဘောကျနှစ်သက်ကျတဲ့သူတွေလည်း များပြားနေဆဲပါပဲ။ ဒီနေ့မှာတော့ Jessi က ဘာကိုမှဂရုမစိုက်ပဲ သူမပုံစံအတိုင်း ပွင့်ပွင့်လင်းလင်းပြောခဲ့တာတွေက အချက်တစ်ချို့ကို ပြောပြပေးချင်ပါတယ်။

1. Plastic Surgery လုပ်ထားတာကို ပွင့်ပွင့်လင်းလင်းချပြခြင်း
ကိုရီးယားအနုပညာလောကမှာတော့ Plastic Surgery လုပ်တာဟာ ရေပန်းအစားဆုံးကိစ္စတစ်ခုပါ။ ကိုရီးယားအနုပညာရှင်တော်တော်များများက လုပ်ထားတယ်ဆိုတာကို ချပြလေ့မရှိပေမဲ့ Jessi ကတော့ သူမ Plastic Surgery လုပ်ထားတယ်ဆိုတာကို ပရိတ်သတ်တွေကို ပွင့်ပွင့်လင်းလင်းပဲ ချပြခဲ့ပါတယ်။ သူမပြောခဲ့တာကတော့ “အခုလက်ရှိ ငါ ဘယ်လိုပုံစံမျိုးဆိုတာကို ငါ သဘောကျတယ် ဘာလို့လဲဆိုတော့ ငါလုပ်ချင်တဲ့အရာတွေကို လုပ်ဖို့ကြိုးစားပြီး အခုလက်ရှိ ငါ့ပုံစံကို ငါ သဘောကျတယ်၊ ငါက အရာရာတိုင်း မပြီးပြည့်စုံနိုင်ဘူးဆိုတာကိုလည်း ငါ သိနေတာပဲလေ” ဆိုတာမျိုးနဲ့ သူမရဲ့ Plastic Surgery လုပ်ရတဲ့ အကြောင်းရင်းကို ပွင့်ပွင့်လင်းလင်းပဲ ချပြသွားခဲ့ပါတယ်။

2. သူမရဲ့ cup size ကို တစ်ကမ္ဘာလုံးသိအောင် ချပြရဲတဲ့သူ
Mnet ရဲ့ အစီစဉ်တစ်ခုဖြစ်တဲ့ TMI show မှာ ရဲရဲဝင့်ဝင့်နဲ့ “ငါ တကယ်ကို ဒီဟာကို ပြောချင်နေခဲ့တာ ငါ့ size က large B-cup ဆိုတာကိုလေ” ဆိုပြီး ပွင့်ပွင့်လင်းလင်းပြောရုံသာမက Mijoo ကိုပါ သူမရဲ့ Cup Size ကို ပြသခဲ့ပါတယ်။
Jessi – နင်ထင်သလောက် မကြီးဘူးမလား ဟုတ်တယ်မလား။ ဒါက G-cup မဟုတ်ဘူးလေ
Mijoo – အဲ့တာက small C-cup လည်း ဖြစ်နိုင်တာပဲ
Jessi – ဟုတ်တယ် ဖြစ်နိုင်ပေမဲ့ လူတွေက ဒီဟာကို ဖရဲသီးလောက်ကြီးတယ်လို့ထင်တာ ဒါပေမဲ့ အဲ့တာက အဲ့လောက်ကြီးတာတော့ မဟုတ်ဘူးလေ
Mijoo – သူတို့တွေက သခွားမွှေးသီးလောက်ဖြစ်မလာ မဟုတ်ဘူး သစ်တော်သီးအကြီးလောက်တော့ ဖြစ်နိုင်မယ်ထင်တယ်
Jessi – ဒါမှမဟုတ် ပန်းသီးအကြီးလောက်ဖြစ်မလားပဲ

3. သူမရဲ့ ဆွဲဆောင်မှုရှိတဲ့သဘောတရားအတွက် မတောင်းပန်တတ်ခြင်း
သူမရဲ့ “Down” MV အတွက် Jessi က ဘီကနီဝတ်ဆင်ခဲ့ပြီး ကကွက်တွေအတွက်ပါ ကြည့်ရှုသူတွေဆီကနေ ဝေဖန်မှုအမျိုးမျိုးတွေရခဲ့ပေမဲ့ သူမကတော့ အဲ့တာတွေအတွက် တုန်လှုပ်မှု မရှိခဲ့ပါဘူး။ သူမက “ဒါမျိုးကို ကိုရီးယားမှာ အားမပေးဘူးဆိုတာ သိပါတယ်။ ဒါပေမဲ့ ဝေဖန်မှုတွေကိုလက်ခံဖို့လည်း အဆင်သင့်ပါပဲ။ မိန်းကလေးတစ်ယောက်အတွက် သူမရဲ့ခန္ဓာကိုယ်ကို ယုံကြည်မှုရှိဖို့လိုအပ်တယ်လို့ ငါက ယူဆတယ်။ တကယ်လို့ မင်းက ယုံကြည်မှုရှိတယ်ဆိုရင် ပွင့်ပွင့်လင်းလင်းပဲ ချပြလိုက်ပါ။ ငါကတော့ မိန်းကလေးတိုင်းက သူတို့လုပ်ချင်တာတွေ လုပ်နိုင်စေချင်တယ်။” ဆိုပြီး ပြောသွားခဲ့ပါတယ်။

4. သူမရဲ့သူဌေးကို ကိုယ့်ကိစ္စကိုပဲ အာရုံစိုက်ပါလို့ ပြောရဲခြင်း
STUDIO WAFFLE ရဲ့ video တစ်ခုထဲမှာ အစီစဥ်တင်ဆက်သူက သူမရဲ့အေဂျင်စီပိုင်ရှင်ဖြစ်တဲ့ PSY က သူမရဲ့ ဝတ်ပုံစားပုံကို သဘောမကျဘူးဆိုတာကို ထောက်ပြခဲ့ပြီး Jessi ကတော့ ” ငါ အဲ့တာကို တကယ်ဂရုမစိုက်ဘူး” ဆိုပြီး တုံ့ပြန်သွားခဲ့တာပါ။

5. no pants” airport fashion
သူမလေဆိပ်ဆင်းတုန်းက ဘောင်းဘီဝတ်ထားလား မဝတ်ထားလားဆိုတာနဲ့ပတ်သတ်ပြီးလည်း အကြီးကျယ်ဝေဖန်ခံခဲ့ရဖူးပါတယ်။ အဲ့တုန်းက Jessi ဟာ legging shorts ကို ဝတ်ဆင်ထားတာဖြစ်ပြီး ပရိတ်သတ်တွေကို လက်ပြနှုတ်ဆက်ဖို့ လက်မြှောက်လိုက်တဲ့အခါ တီရှပ်က အပေါ်တက်သွားပြီး အတွင်းခံပုံစံမျိုးဖြစ်နေတဲ့ legging shorts ကို လှစ်ဟပြသလိုဖြစ်သွားတဲ့အတွက် ဝေဖန်မှုတွေ အများကြီးရရှိခဲ့ပါတယ်။ Jessi က အဲ့တာကို “သိလား ငါ ဘောင်းဘီဝတ်ထားတယ် အိုကေ၊ သူတို့ကို legging shorts လို့ခေါ်တယ်” ဆိုပြီး တောင်းပန်တာမျိုးမဟုတ်ပဲ ရှင်းပြထားတဲ့ video နဲ့ သူမ ဘောင်းဘီဝတ်ထားခဲ့တယ်ဆိုတာကို‌ ပြောသွားခဲ့ပါတယ်။

6. သူမရဲ့ dating history ကို ပွင့်ပွင့်လင်းလင်းချပြနိုင်သူ
tvN ရဲ့ ရသစုံအစီစဥ်တစ်ခုမှာ မေးခွန်းတစ်ခုအတွက် Yoo Jae Suk က Jeon So Min ကို ရွေးခဲ့ပြီး Jeon So Min နဲ့ Oh Na Ra က Jessi ကို ရွေးချယ်ခဲ့ပါတယ်။ အဲ့မေးခွန်းနဲ့ပတ်သက်ပြီး Jessi က နေပါဦး အရင်က ငါဒိတ်ခဲ့ဖူးတဲ့ရည်းစားက ငါးယောက်လား ငါ နားလည်မှုလွဲတာတွေတော့ မဖြစ်စေချင်ဘူး” ဆိုပြီး သူမရဲ့ ရည်းစားဟောင်းအရေတွက်ကို ပွင့်ပွင့်လင်းလင်းချပြသွားခဲ့တာလည်း ဖြစ်ပါတယ်။

7. HyunA and DAWN တို့ကို ကာကွယ်ပေးခဲ့ခြင်း
Idol တွေအတွက်ကတော့ ရည်းစားထားတယ်ဆိုတာ သူတို့ရဲ့အလုပ်ကို တစ်စိတ်တစ်ပိုင်းတော့ ထိခိုက်စေတာပဲ ဖြစ်ပါတယ်။ ဒါပေမဲ့ HyunA and DAWN ကတော့ ဒီအကျိုးဆက်တွေကို ရဲရဲကြီးခံယူပြီး သူတို့ရဲ့ပတ်သက်မှုကို ပရိတ်သတ်တွေဆီ ချပြခဲ့တာလည်း ဖြစ်ပါတယ်။ သူတို့ရဲ့ပတ်သက်မှုကို ချပြပြီးတဲ့အခါမှာ Jessi က သူတို့ကိုကာကွယ်ပြီးပြောပေးခဲ့တဲ့ ပထမဆုံးသူတစ်ယောက်လည်း ဖြစ်ပါတယ်။ Jessi က “လူတိုင်းက သူတို့စိတ်ကြိုက်သူနဲ့ တွဲနိုင်တာပဲလေ အိုကေ။ ငါတို့တွေက က‌လေးလေးတွေလည်း မဟုတ်တော့ဘူး။ မင်းတို့က idol ဖြစ်နေရင်တောင် ကိစ္စမရှိဘူး။ သူတို့မှာ သူတို့ရဲ့ပုံရိပ်ဆိုတာမျိုးရှိပေမဲ့ သူမလည်း သူမကြိုက်တဲ့သူနဲ့ တွဲနိုင်တာပဲလေ။ ငါပြောချင်တာကတော့ သူမ ဘယ်သူနဲ့ပဲ တွဲနေတယ်လို့ပြောပြော သူမကို သူနဲ့ အေးဆေးပေးတွဲလိုက်ကြစမ်းပါ။” ဆိုပြီး ကာကွယ်ပြီးပြောသွားပေးတာလည်း ဖြစ်ပါတယ်။

ဒါတွေကတော့ အမြဲတမ်း ပွင့်ပွင့်လင်းလင်းနဲ့ ပျော်ပျော်နေတတ်ပြီး စိတ်ထဲရှိတဲ့အတိုင်း ဟန်ဆောင်တာမျိုးတွေမဟုတ်ပဲ အရှိကိုအရှိအတိုင်းပြောချ လုပ်ချတတ်တဲ့ Jessi ရဲ့ ဘယ်သူ့ကိုမှ ဂရုမစိုက်ပဲ လုပ်ချင်ရာလုပ်ချတတ်တဲ့အကြောင်းရာတွေထဲက တစ်ချို့ပါ။ မင်မင်ကတော့ စိတ်ထဲရှိတာတွေ လုပ်တတ် ပြောတတ်ဖို့ Jessi ဆီက အများကြီးသင်ယူခဲ့ရလို့ Fan အနေနဲ့မဟုတ်ပဲ ကိုယ့်အစ်မတစ်ယောက်လိုမျိုး ခံစားရတယ်။ ပရိတ်သတ်ကြီးတို့ရော Jessi ကို သဘောကျရတဲ့အကြောင်းရင်းလေးတွေရှိရင် cmt မှာ ဝေမျှသွားခဲ့ပါဦးနော်။