SBS ဟာ drama အသစ်ဖြစ်တဲ့ “Why Her?” ဇာတ်လမ်းတွဲမှာပါဝင်လာမဲ့ Hwang In Yeop ရဲ့ ဇာတ်ကောင်ပုံစံကို ချပြခဲ့ပါတယ်။ ဒီဇာတ်လမ်းတွဲဟာ လျှို့ဝှက်ဆန်းကြယ်တဲ့အချစ်ဒရာမာဇာတ်လမ်းအမျိုးစားဖြစ်ပြီး သွေးအေးပြီး အောင်မြင်မှုကို မက်မောတဲ့ရှေ့နေ Oh Soo Jae အဖြစ် Seo Hyun Jin က သရုပ်ဆောင်ထားပြီး Hwang In Yeop ကတော့ သူမကို ဘယ်လိုအရာမျိုးကနေဖြစ်ဖြစ်ကာကွယ်ပေးမဲ့ ဥပဒေကျောင်းသား Gong Chan အဖြစ် ပါဝင်ထားတာ ဖြစ်ပါတယ်။

ဒီဇာတ်ကားမှာ Heo Joon Ho ၊ Bae In Hyuk ၊ Kim Chang Wan ၊ Lee Kyung Young ၊ Bae Hae Sun နဲ့ အခြားသရုပ်ဆောင်တွေလည်း ပါဝင်ထားပါတယ်။

Gong Chan Gong ဟာ သဘောထားကြီးမားပြီး အခြားသူတွေကို နားလည်ပေးနိုင်တဲ့စိတ်ဓာတ်ပိုင်ရှင်နေရာကနေ သရုပ်ဆောင်ထားတာပါ။ ဒါပေမဲ့ သူ့ရဲ့ကံကြမ္မာကို ပြောင်းလဲစေနိုင်တဲ့ နာကျင်စရာအတိတ်နဲ့လည်း ကြုံတွေ့ခဲ့ရပါတယ်။ မမျှော်လင့်ထားတဲ့အဖြစ်အပျက်တစ်ခုကြောင့် ဥပဒေကျောင်းရဲ့ ပရော်ဖက်ဆာဖြစ်လာတဲ့ Oh Soo Jae နဲ့ တွေ့ဆုံဖို့ အကြောင်းဖန်လာတဲ့အခါမှာတော့ အပြောင်းလဲကို ခံစားရဖို့ အကြောင်းဖန်လာပါတော့တယ်။ ‘Why Her’ ဇာတ်လမ်းတွဲကို လက်ခံဖြစ်တဲ့အကြောင်းကို ဒီဇာတ်ကားရဲ့ခေါင်းစဉ်ကိုမြင်လိုက်ရတဲ့အချိန်မှာ ခေါင်းစဉ်က ငါ့အတွက် စိတ်ဝင်စားဖို့ကောင်းပြီး အဲ့တာကို မေ့လို့မရခဲ့ဘူး။ ဇာတ်ညွှန်းကိုဖတ်ပြီးတဲ့အချိန်မှာတော့ Oh Soo Jae and Gong Chan တို့ဇာတ်လမ်းက လှပပေမဲ့ ဝမ်းနည်းစရာကောင်းတယ်။ ဒီဇာတ်လမ်းမှာ ကျွန်တော့်ရဲ့ ပိုပြီးရင့်ကျက်တဲ့ပုံစံနဲ့ တစ်ခါမှမမြင်ဖူးကြတဲ့အခြားပုံစံတစ်ခုကို ချပြနိုင်မယ်လို့ မျှော်လင့်ထားပါတယ် ဆိုပြီး ဒီဇာတ်လမ်းမှာ ပါဝင်ဖို့ ရွေးချယ်ဖြစ်ခဲ့ပုံကို ပြောပြခဲ့ပါတယ်။

‘Why Her’ ဇာတ်လမ်းတွဲကို June 3 ရက်နေ့ ည 10 နာရီမှာ ထုတ်လွှင့်သွားမှာဖြစ်ပြီး Viki မှာ ကြည့်ရှုနိုင်ပါတယ်ရှင်။ မမြင်ဖူးတဲ့ပုံစံသစ်တစ်ခုနဲ့ ဇာတ်ကောင်ပုံစံစရိုက်ကို ပီပီပြင်ပြင်သရုပ်ဖော်ဖို့ ကြိုးစားထားတဲ့ Hwang In Yeop ရဲ့ပုံစံကို မြင်တွေ့ရဖို့ အဆင်သင့်ပဲလား ပရိတ်သတ်ကြီးရေ။