Exo-L လေးတွေရဲ့အချစ်တော် D.O ကတော့ တဇွတ်ထိုးတဇောက်ကန်း ၊ ထိန်းမနိုင်သိမ်းမရ ၊ လူဆိုးဖမ်းရန်ဘာမဆိုလုပ်တတ်တဲ့ ခပ်ဆိုးဆိုးအစိုးရရှေ့နေလေး Jin Jung အဖြစ်သရုပ်ဆောင်ထားပါတယ်။
ဇာတ်လမ်းတွဲမှာ လူသိများတဲ့ရှေ့နေ Jin Jung ကဆိုးသွမ်းတဲ့ အကျင့်ဆိုးလေးကြောင့်မကောင်းသတင်းရှိသော်လည်း ထိရောက်မှန်ကန်တဲ့ အမှန်တရားဘက်တော်သားအဖြစ်လည်းဂုဏ်သတင်းကျော်ဇော်နေ
ပါတယ်။ သူက စည်းစိမ်ဉစ္စာနဲ့အာဏာတို့အပေါ် အလွဲသုံးစားလုပ်ပြီးတည်ဆောက်ထားသော သံသယဖြစ်ဖွယ်ကောင်းတဲ့အဖွဲ့အစည်းများနဲ့ ၎င်းအဖွဲ့အစည်းများထံမှအမြတ်အစွန်းရရှိနေသူများ ၊ လက်ပါးစေများ
ကို လိုအပ်ရင်လိုအပ်သလို နည်းလမ်းဆိုး ၊ နည်းလမ်းကောင်းများကိုအသုံးချပြီး အကျင့်ပျက်ခြစားမှုများကိုအဆုံးသတ်စေရန် လုပ်ဆောင်နေတဲ့သူတစ်ယောက်ဖြစ်ပါတယ်။
ဇာတ်လိုက်မင်းသမီးအနေနဲ့ကတော့ သရုပ်ဆောင် Lee Se-hee က အစိုးရရှေ့နေ Shin Ah-ra အဖြစ်သရုပ်ဆောင်ထားပါတယ်။ သူမကတော့ Jin Jung နဲ့ဆန့်ကျက်ဘက်သဘောတရားမှာရှိပြီး ခေါင်း
အေးအေးထားပြီး ဖြေရှင်းတတ်တဲ့သူတစ်ယောက်ဖြစ်ပါတယ်။ သူတို့ ၂ယောက်ဟာ ဝင်ရိုးစွန်း ၂ဖက်မှာြဖစ်နေပေမဲ့ Ah-ra ကတော့အမြဲ Jin Jung ကိုစောင့်ကြည့်နေလေ့ရှိပါတယ်။သူတို့ ၂ ယောက်ပူးပေါင်း
ပြီး ဘယ်လိုမတရားမှုတွေကိုဘယ်လိုဖော်ထုတ်မလဲဆိုတာကိုလဲဆက်လက်စောင့်ကြည့်ကြပါနော်။

‘Bad Prosecutor’ ဇာတ်လမ်းတွဲကို Netflix ရဲ့ 2021 မှာထွက်ရှိခဲ့တဲ့ကိုရီးယားဇာတ်လမ်းတွဲ ‘Move To Heaven’ ကိုရိုက်ကူးခဲ့တဲ့ဒါရိုက်တာ Kim Sung-ho မှတာဝန်ယူရိုက်ကူးခဲ့တာပဲဖြစ်ပါတယ်
။ စီးရီးရဲ့ဇာတ်ညွှန်းကို ယခင်က JTBC၏ 2018 အက်ရှင်စီးရီးတစ်ခုဖြစ်တဲ့ ‘Sketch’အတွက် ဇာတ်ညွှန်းရေးခဲ့သူ Im Young-bin ကရေးသားခဲ့ခြင်းလည်းဖြစ်ပါတယ်။
D.O သည် 2021ဇန်နဝါရီလမှာ သူ၏မဖြစ်မနေစစ်မှုထမ်းရမည့် နှစ်နှစ်တာကာလမှာတာဝန်ထမ်းဆောင်ပြီးနောက် ပြန်လည်ရိုက်ကူးသရုပ်ဆောင်တာလဲဖြစ်ပါတယ်။ သူစစ်မှုမထမ်းခင်ကထဲက ‘Room’ရုပ်ရှင်
အပါအဝင် တစ်ခြာနာမည်ကြီးရုပ်ရှင်ဇာတ်ကားများနဲ့ ဇာတ်လမ်းတွဲတော်တော်များများမှာ ပါဝင်သရုပ်ဆောင်ထားပါတယ်။