Exo အဖွဲ့ဝင်တစ်ယောက်ဖြစ်တဲ့ D.O. မှာလက်ရှိမှာတော့ ‘Bad Prosecutor’ လို့အမည်ရတဲ့ ဒရာမာစီးရီးမှာပါဝင်သရုပ်ဆောင်နေတာပဲဖြစ်ပါတယ်။

ထိုဒရာမာစီးရီးအတွက် D.O. ဟာ ‘Bad Prosecutor’ ရိုက်ကူးရေးအတွက်အလုပ်ရှုပ်နေပြီး Suho ကတော့သူငယ်ချင်းအတွက်အားပေးတဲ့အနေနဲ့ ‘Call Me A Freak’ ဆိုတဲ့ OST သီချင်းကိုသီဆိုပေးထားပါတယ်။ OST သီချင်းဖြစ်တဲ့ ‘Call Me A Freak’ ဆိုတဲ့သီချင်းလေးကတော့ မြူးကြွတဲ့ဂစ်တာတီးခတ်သံနဲ့အတူ အားကောင်းသော ဒရမ်ဘိ များကိုအသုံးပြုထားတဲ့ စည်းချက်ကျတဲ့သီချင်းလေးတစ်ပုဒ်ဖြစ်ပါတယ်။ သီချင်းလေးက မိမိကိုယ်ကိုအသိအမှတ်ပြုပြီး ရှေ့အနာဂတ်သို့တက်လှမ်းခြင်းအတွက် စိတ်ပိုင်းဖြတ်မှုနဲ့မျှော်လင့်ချက်များကို ဖော်ပြတဲ့စိတ်အားတက်ဖွယ်သီချင်းလေးတစ်ပုဒ်ဖြစ်ပါတယ်။ ထို့အပြင် Suho ရဲ့ နှစ်လိုဖွယ်ကောင်းတဲ့အသံလေးနဲ့ နူးညံ့ပျော့ပြောင်းတဲ့စာသားလေးတွေကြောင့် ပရိတ်သတ်တွေကြိုက်နှစ်သက်မယ့် OST သီချင်းလေးတစ်ပုဒ်ဆိုရင်လည်း မှားမယ်မထင်ပါဘူးနော်။

‘Call Me A Freak’ OSTသီချင်းလေးကိုတော့ အောက်တိုဘာ ၂၇ ရက်နေ့မှာ ဂီတပလပ်ဖောင်းအမျိုးမျိုးတို့ကနေ နားဆင်နိုင်တော့မှာ ဖြစ်ပါတယ်။