T-ara အဖွဲ့ဝင်တစ်ယောက်ဖြစ်တဲ့ Jiyeon ဟာ ‘Gangnam Zombie’ လို့အမည်ရတဲ့ သည်းထိတ်ရင်ဖို Zombie ဇာတ်ကားသစ်မှာပါဝင်သရုပ်ဆောင်ထားပါတယ်။

ထိုဇာတ်ကားသစ်ထဲမှာ မင်းသား Ji II Joo နဲ့ Jiyeon တို့ကအဓိကနေရာမှ ပါဝင်သရုပ်ဆောင်ထားပြီး သူတို့ဟာ

ကိုရီးယားနိုင်ငံ၊ ဆိုးလ်မြို့အလယ်ရှိ Gangnam မှ Zombie များကို တိုက်ခိုက်တွန်းလှန်ပြီး အသက်ရှင်ဖို့အတွက် ခက်ခက်ခဲခဲရုန်းကန်ဖြတ်သန်းပုံကို အသည်းတထိတ်ထိတ်နဲ့ကြည့်ရှုရမှာပါ။

Jiyeon ဟာ Zombie များကို အသက်အန္တရာယ်ကြားထဲမှ အသက်ရှင်သန်ဖို့အတွက်သက်စွန့်ဆံဖျား တိုက်ခိုက်နေတဲ့ရဲရင့်သောကောင်မလေး Minjung အဖြစ်သရုပ်ဆောင်ထားပါတယ်။ ‘Gangnam Zombie’ ကိုစောင့်မျှော်နေတဲ့ ရုပ်ရှင်ပရိတ်သတ်များနဲ့ Jiyeon ရဲ့ဖန်များဟာ Jiyeon ရဲ့သရုပ်ဆောင်မှုတွေနဲ့ လှုပ်ရှားမှုများကို စောင့်မျှော်နေကြပါတယ်။

‘Gangnam Zombie’ ရုပ်ရှင်ဇာတ်ကားသစ်ကို နိုဝင်ဘာလ ၃၀ ရက်နေ့မှာကိုရီးယားနိုင်ငံတစ်ဝှမ်းရှိ ရုပ်ရှင်ရုံတွေမှာတစ်ပြိုင်နက်ထဲပြသသွားမှာဖြစ်ပါတယ်။