တောင်ကိုရီးယားနိုင်ငံရဲ့ ရုပ်ရှင်သရုပ်ဆောင်လောကမှာ ထိပ်တန်းကြယ်ပွင့်တွေလည်းဖြစ်ကြသလို အိမ်ထောင်ဘက်ကိုလည်းအချမ်းသာဆုံး အမျိုးသားတွေနဲ့လက်ထပ်ခဲ့ကြတဲ့ သရုပ်ဆောင်မင်းသမီးတွေကို ဒီတစ်ပတ်မှာဖော်ပြပေးလိုက်ပါတယ်ရှင်

1. Park Ji Yoon
အဆိုတော်၊ မင်းသမီး၊ မော်ဒယ် Park Ji Yoon ဟာ 2019 ခုနှစ် မှာ Cho Soo Yong နဲ့လက်ထပ်ခဲ့ပြီးခင်ပွန်းဖြစ်သူက ယခင်က KakaoTalk မှာ ဒီဇိုင်းဒုဥက္ကဌအဖြစ် လုပ်ကိုင်ခဲ့ဖူးပေမဲ့ နှစ်အနည်းငယ်အကြာမှာတော့ CEO အဖြစ် အလျင်အမြန်ရာထူးတိုးခဲ့ပါတယ်။ သတင်းဖော်ပြချက်တွေအရ Park Ji Yoonခင်ပွန်းဖြစ်သူရဲ့ တစ်နှစ်တာလစာဟာ ခန့်မှန်းခြေအားဖြင့် ₩750 ဘီလီယံ KRW (အမေရိကန်ဒေါ်လာ 576 သန်းခန့်)(bonus ₩2.72 ဘီလီယံ KRW (ဒေါ်လာ 2.09 သန်းခန့်မပါဘဲ ) ရရှိတယ်လို့သိရပါတယ်။

2. Lee Hye Young
Lee Hye Young ဟာ ဆိုရင် မင်းသမီး၊ အဆိုတော်၊ Stylist နဲ့ ဖက်ရှင်အမှတ်တံဆိပ်ပိုင်ရှင်တစ်ဦးအဖြစ် ဖျော်ဖြေရေးနယ်ပယ်မှာကာလရှည်ကြာစွာ ဖြတ်သန်းခဲ့သူဖြစ်ပြီး သူမကိုယ်တိုင်လည်း ချမ်းသာကြွယ်ဝသူဖြစ်ပါတယ် ခင်ပွန်းဖြစ်သူ Boo Jae Hoon နဲ့ လက်ထပ်လိုက်တဲ့အခါမှာတော့သူမရဲ့ ကြွယ်ဝမှုဟာ အဆမတန် တိုးလာခဲ့တယ်လို့သိရပါတယ်။သူမရဲ့ခင်ပွန်းဟာ Partner လည်းဖြစ်သလို MBK Partners ရဲ့ ပူးတွဲတည်ထောင်သူလည်းဖြစ်ပါတယ်
သူရဲ့ အသားတင် ပိုင်ဆိုင်မှု အတိအကျကို ထုတ်ဖော်ပြောဆိုခြင်း မရှိပေမဲ့၊ သူရဲ့ ကုမ္ပဏီဟာခန့်မှန်းခြေ ₩33.3 ထရီလီယံ KRW (ဒေါ်လာ 25.6 ဘီလီယံခန့်) တန်ဖိုးချေရှိတဲ့အပြင်2017 ခုနှစ်ကဂျပန်နိုင်ငံမှာရှိတဲ့ နာမည်ကြီး ပန်းခြံတစ်ခုကိုပြန်လည်ရောင်ချပြီး ကော်မရှင်ခ ₩1.00 ထရီလီယံKRW (ဒေါ်လာ 769 သန်းခန့်) commission ရခဲ့တယ်လို့လည်းသိရပါတယ်။

3.Jun Ji Hyun
မင်းသမီး Jun Ji Hyun က သရုပ်ဆောင်အလုပ်အပြင် အောင်မြင်တဲ့ အိမ်ခြံမြေအလုပ်တွေကြောင့် ချမ်းသာမှုတွေ ပိုင်ဆိုင်ထားပြီးသူမရဲ့ ခင်ပွန်းဖြစ်သူကလည်း ချမ်းသာကြွယ်ဝကြောင်းသိရှိရပါတယ်။ခင်ပွန်းဖြစ်သူက ယခင်က နာမည်ကြီးအမေရိကန်ဘဏ်တစ်ခုရဲ့ ဒါရိုက်တာဖြစ်ခဲ့ပြီး နောက်ဆုံးမှာတော့ ဒုသမ္မတဖြစ်ခဲ့တဲ့ ဖခင်ဖြစ်သူရဲ့ ပိုင်ဆိုင်မှုစီမံခန့်ခွဲမှုလုပ်ငန်းကို တာဝန်ယူလုပ်ကိုင်ခဲ့ပါတယ်။အဲ့ဒီ့နောက်မှာတော့ CEO ဖြစ်လာခဲ့ပြီး ခန့်မှန်းခြေအားဖြင့် KRW 586 ဘီလီယံ (အမေရိကန်ဒေါ်လာ သန်း 450 ခန့်) တန်ဖိုးရှိကုမ္ပဏီရဲ့ရှယ်ယာ 70% ကျော်ကိုပိုင်ဆိုင်ခဲ့တယ်လို့သိရပါတယ်။

4.Han Chae Young
မင်းသမီး Han Chae Young က၂၀၀၇ ခုနစ်မှာ non -celebrity တစ်ယောက်နဲ့လက်ထပ်လိုက်တဲ့သတင်းကြောင့်ကိုရီးယားဖျော်ဖြေရေးနယ်ပယ်ကို အံ့အားသင့်စေခဲ့ပါတယ်။ နောက်ထပ်စုံစမ်းစစ်ဆေးမှုတွေအရတော့ မင်းသမီး Han Chae Young ရဲ့ခင်ပွန်းဖြစ်သူက အရမ်းကိုချမ်းသာကြွယ်ဝတဲ့သူတစ်ယောက်ဖြစ်နေတာပါပဲ။ ခင်ပွန်းဖြစ်သူ၏ မိသားစုက လူသိများသောကြောင့် “ဘဏ္ဍာရေးလောကရဲ့ တော်ဝင်မိသားစု” ဟု အမည်ပြောင်ပေးထားကြပါတယ်။Han Chae Young ကိုခမ်းနားထည်ဝါတဲ့ စိန်လက်စွပ်တစ်ကွင်း၊ တန်ဖိုးကြီးပြိုင်ကားတစ်စီးနဲ့ဇိမ်ခံကြင်စဦးအိမ်ကြီးတစ်လုံးတို့အပါအဝင် ₩7.00 ဘီလီယံ KRW (အမေရိကန်ဒေါ်လာ 5.38 သန်းခန့်) တို့နဲ့ Propose လုပ်ခဲ့ကြောင်းသိရပါတယ်

5. Lee Si Young
မင်းသမီး Lee Si Young ဟာဆိုရင် 2017 ခုနှစ် မှာ စားသောက်ဆိုင်လုပ်ငန်းရှင် Cho Seung Hyun နဲ့လက်ထပ်ခဲ့ပြီးသူမရဲ့ ခင်ပွန်းဟာ အသက် 20 ဝန်းကျင်မှာ စားသောက်ဆိုင်လုပ်ငန်းကို စတင်ခဲ့ပြီး သူ့ရဲ့လုပ်ငန်းခွင်တစ်လျှောက် မယုံနိုင်လောက်အောင် အောင်မြင်မှုများရရှိခဲ့တယ်လို့လည်းသိရပါတယ်။ သူ့ရဲ့ကုမ္ပဏီမှာ CEO အနေနဲ့ ခန့်မှန်းခြေ အသားတင်တန်ဖိုး ₩2.50 ဘီလီယံ KRW (အမေရိကန်ဒေါ်လာ 1.92 သန်းခန့်) ပိုင်ဆိုင်ပြီး ဒီပိုင်ဆိုင်မှုစာရင်းထဲမှာ နောက်ထပ် ₩4.75 ဘီလီယံ KRW (ဒေါ်လာ 3.65 သန်းခန့်) တန်အစီရင်ခံထားတဲ့ အိမ်ခြံမြေလုပ်ငန်းတွေမပါဝင်ဘူးလို့ သိရပါတယ်။