မျက်နှာကို စနစ်တကျ သန့်စင် ဆေးကြောပါ

ဝက်ခြံကင်းစင်ဖို့ ပထမ အရေးကြီးဆုံး အချက်က မျက်နှာမှာ ရှိတဲ့ မလိုအပ်တဲ့ အဆီတွေ အညစ်အကြေးတွေ ရှင်းလင်းဖို့ဖြစ်ပါတယ်။ မျက်နှာကို တစ်နေ့ နှစ်ကြိမ် သစ်ဖို့လိုအပ်ပါတယ်။ ဝက်ခြံပေါက်တဲ့ အသားအရေတွေအတွက် မျက်နှာသစ်ဆေးကို ဓာတု ပစ္စည်းတွေ မပါဝင်တဲ့ ဆပ်ပြာ အပျော့စား နဲ့ပဲ သစ်ဖို့ အလွန်အရေးကြီးပါတယ်။

သင့်ရဲ့မျက်နှာ အရေပြား အမျိုးအစားကို သိပါ

မျက်နှာ အရေပြားအမျိုးအစားတွေက အသားရေခြောက်တာ၊ အဆီပြန်တာ စသဖြင့် အမျိုးအစား များစွာရှိပါတယ်။ အဲ့ထဲကမှ အဆီအရမ်းပြန်တတ်တဲ့ အသားအရေအများအပြားက ဝက်ခြံထွက်လွယ်တတ်ပါတယ်။ အဲ့တာကြောင့် သင့်မျက်နှာ အရေပြား အမျိုးအစားနဲ့ ကိုက်ညီတဲ့ skin care product တွေကို အသုံးပြုသင့်ပါတယ်။

မျက်နှာကို ရေဓာတ်ဖြည့်ပါ

မျက်နှာမှာ ရေဓာတ်ပြည့်ဝနေဖို့ လိုအပ်ပါတယ်။ မျက်နှာမှာ ရေဓာတ်မရှိရင် ဖုန်၊ အညစ်အကြေးတွေက မျက်နှာရဲ့ ချွေးပေါက်တွေထဲ အလွယ်တကူ ဝင်ပြီး ဝက်ခြံဖြစ်နိုင်ပါတယ်။ အဲ့တာကြောင့် မျက်နှာသစ်ပြီးတိုင်း ရေဓာတ်ဖြည့်ပေးတဲ့ skin care product ကိုအသုံးပြုဖို့ လိုအပ်ပါတယ်။

ခန္ဓာကိုယ်အတွက်လည်း ရေဓာတ်ပြည့်ဝအောင်ထားပါ

တနေ့ကို ရေ ၈ ခွက် အနည်းသုံး သောက်ပေးသင့်ပါတယ်။ ခန္ဓာကိုယ်ကလည်း ရေဓာတ်ပြည့်ဝနေမှာ အသားအရေကြည်လင်ပြီး ခန္ဓာကိုယ်ထဲက မလိုအပ်တဲ့ အဆိပ်အတောက်တွေ ဖယ်ရှားနိုင်မှာဖြစ်ပါတယ်။ တနေ့ကို ရေ ၈ ခွက် အနည်းသုံး သောက်ပေးသင့်ပါတယ်။

မိတ်ကပ်တွေအများကြီး လျော့ပါ

နေ့စဉ်နေ့တိုင်း မလိုအပ်ပဲ မိတ်ကပ်တွေ အများကြီး မလိမ်းသင့်ပါဘူး။ မိတ်ကပ်တွေ အများကြီး လိမ်းတာဟာ ချွေးပေါက်တွေ ပိတ်ပြီး ဝက်ခြံကို ဖြစ်စေပါတယ်။ ဝက်ခြံတွေ ပေါက်နေတဲ့ အချိန် မျက်နှာကို မိတ်ကပ်တွေ မလိမ်းပဲ အာဟာရပြည့်ဝအောင်ထားဖို့လိုအပ်ပါတယ်။

မျက်နှာကို မလိုအပ်ပဲ မထိပါနဲ့

မျက်နှာကို မလိုအပ်ပဲ ထိတာကိုင်တာဟာ ဝက်ခြံကို ပိုပြီး ဖြစ်စေပါတယ်။ လက်မှာက မမြင်နိုင်တဲ့ ပိုးမွှားတွေများစွာ ရှိနေနိုင်တာမလို့ မျက်နှာကို လက်နဲ့ ခဏခဏကိုင်ခြင်းကို ရှောင်ကြဉ်သင့်ပါတယ်။

နေလောင်ကာခရင်မ်လိမ်းပါ

မဖြစ်မနေ နေပူထဲ ထွက်ရမယ်ဆို နေလောင်ကာခရင်မ် လိမ်းဖို့ လိုအပ်ပါတယ်။ မျက်နှာက နေရောင်ခြည်နဲ့ တိုက်ရိုက်ထိတွေ့မှုများလာရင် အသားအရေပျက်စီးပြီး စေနိုင်ပါတယ်။

ဝက်ခြံကိုမညစ်ပါနဲ့

မိန်းကလေးတွေအများစု အမှားလုပ်တတ်တဲ့ အကျင့်ကတော့ ဝက်ခြံကို ညစ်တာပဲဖြစ်ပါတယ်။ ဝက်ခြံညစ်လိုက်ပြီဆိုရင် အဲ့ကထွက်လာတဲ့ ပြည်အရည်ကြည်တွေက မျက်နှာရဲ့ အခြားနောက်ထပ်နေရာကို ထိနိုင်တာမလို့ ဝက်ခြံတွေ ပိုဆိုးလာတာပဲဖြစ်ပါတယ်။ ဒါ့အပြင် လက်မှာရှိတတ်တဲ့ ပိုးမွှားတွေကလည်း ဝက်ခြံထဲကို ရောက်သွားပြီး ဝက်ခြံပိုမို ထွက်လာခြင်းကို ဖြစ်စေပါတယ်။ ဒါကြောင့် ဝက်ခြံကို လုံးဝမညစ်ပါနဲ့။

Stress တွေလျော့ချပါ၊ အချိန်မှန်အိပ်ပါ

ဝက်ခြံမဖြစ်စေဖို့ ဒီနှစ်ချက်ကလည်း အလွန်အရေးကြီးပါတယ်။ စိတ်ဖိစီးတာတွေကို အတတ်နိုင်ဆုံး လျော့ချပါ။ အချိန်မှန်အိပ်ဖို့လည်း အလွန်အရေးကြီးပါတယ်။ အိပ်ရေးပျက်တာကလည်း ဝက်ခြံတွေကို ဖြစ်စပါတယ်။ အဲ့တာကြောင့် ဝက်ခြံကင်းစင်ဖို့ အပေါ်ကအချက်တွေအားလုံးကို မိန်းကလေးတိုင်း လိုက်နာသင့်ပါတယ်နော်……..