လူတစ်ဦးတစ်ယောက်နဲ့ ချစ်ကြတယ် ကြိုက်ကြတယ် သံယောဇဉ်ဖြစ်ကြတယ် ဆိုတာ ရှေးရေစက် အတိတ်ကံ ဖန်လာလို့ပဲ မဟုတ်လား ?
ကိုယ်သိပ်ချစ်ရသူရဲ့ မျက်နှာကလေး မြင်လိုက်ရရင် ပျော်ရွှင်ရသလို ကိုယ်သိပ်ချစ်ရတဲ့ ချစ်သူရဲ့ အသံကလေး ကြားလိုက်ရရင်လည်း ကြည်နူးကြရတယ်။
ဒါဟာလည်း စိတ်ထဲမှာ စွဲမြဲစွာနှစ် ချစ်မိသူတိုင်း ဖြစ်ရတာတွေပါ။ အခြေအနေ အကြောင်းကြောင်းကြောင့် ဝေးနေခဲ့ကြရရင်လည်း သူ့အကြောင်းကိုတွေးပြီး ရင်ကိုနွေးစေနိုင်ကြတယ်။
မအားမလပ်တဲ့ကြားက သတိတရရှိလို့ ဖုန်းခေါ်ပြောမိကြရင်လည်း အနေအထိုင် အစားအသောက်ဆင်ခြင်ဖို့၊ အသွားအလာ ဂရုတစိုက်ရှိဖို့ နဲ့ ကျန်းမာရေး ဂရုစိုက်ဖို့ မှာကြားပြီး ရင်အပူကို အေးစေကြတယ်။

အထူးသဖြင့် မိန်းကလေးတွေက ချစ်သူဆီက ဂရုစိုက်မှုကို ပိုပြီးလိုအပ်ပါတယ်။ ဘေးနားမှာ ကိုယ်တယောက်လုံး ရှိနေရက်နဲ့ သူများဆီက ဂရုစိုက်မှုတွေ ကြင်နာမှုတွေ မက်မောနေရတယ်၊ တောင့်တနေရတယ်၊ လိုအပ်နေတယ်ဆိုရင်တော့ ကိုယ်အသုံးမကျလို့ လို့သာ သိလိုက်ပါ။ကိုယ့်ကို ဂရုမစိုက် နားလည်မှု မပေးနိုင်တဲ့ ချစ်သူအနားမှာ တွယ်ကပ်နေတဲ့မိန်းကလေးတွေလည်း အများကြီးပါ။
ဒါပေမယ့် တနေ့တော့ ခံနိုင်ရည်လျော့ပြီး စိတ်ပျက်မိတာတွေများလာမှာပဲ…

ငါပစ်ထားတာတောင် ငါ့နားက မခွာနိုင်ဘူးဆိုတဲ့ စိတ်မျိုးနဲ့ ကိုယ့်ကိုကိုယ် ဂုဏ်ယူမနေကြပါနဲ့ …

ဘယ်လောက် ထက်မြက်တဲ့ မိန်းမဖြစ်ပါစေ ကိုယ့်ချစ်သူရဲ့ ရင်ခွင်ထဲ ခေါင်းလေးတိုးပြီး ချွဲနွဲ့ချင်တာပါ။

တစ်ယောက် နဲ့ တစ်ယောက် သဝန်တိုကြရတာလည်း ကိုယ်သိပ်ချစ်ရသူကို အလေးအနက်ဖြစ်ကြောင်း ပြသတဲ့ သဘောပါ။
သူ စိတ်ကောက် စိတ်ဆိုးရင် ကိုယ်ချော့၊ ကိုယ် စိတ်ကောက်စိတ်ဆိုးရင် သူချော့ပြီး ရန်ဖြစ်လိုက် ပြန်ချစ်လိုက်ဖြစ်ရတာ ကလည်း ချစ်သူဘဝရဲ့ ပျော်ရွှင်စရာ ကာလတွေပါ။
“ချစ်တယ် ချစ်တယ်” လို့ ပါးစပ်ဖျားက မချ တဖွဖွပြောရုံနဲ့ အချစ်စစ်ဖြစ်တာ မဟုတ်ပါဘူး။
ကိုယ်ချစ်ရသူရဲ့ အကြောင်းကို စာနာနားလည်တဲ့ အသိ ရင်ဘတ်ထဲ အမြဲရှိနေရင် အချစ်စစ်လို့ ခေါ်ပါတယ်။ ချစ်သူတွေ ဆိုတာ ကိုယ့်ချစ်သူပျော်နေရင် ပြုံးနေတတ်ကြသလို ကိုယ့်ချစ်သူ မဲ့နေရင်လည်း ဝမ်းနည်းစိတ်တွေ ဖြစ်ကြရပါတယ်။ ကိုယ့်ချစ်သူ ခံစားနစ်နာ နာကျင်ရမှာကို မလိုလားကြပါဘူး။
သိပ်ချစ်ကြတာ စိတ်ညစ်စေဖို့မှ မဟုတ်ပဲလေ…
တကယ် စိတ်ထဲနှစ် မြတ်နိုးပြီး ချစ်ကြသူတိုင်းဟာ အပြန်အလှန်လေးစား တန်ဖိုးထားကြ သလို သစ္စာရှိ ကတိတည်တံ့မှုတွေနဲ့ ရာသက်ပန် ပေါင်းဖက်ဖို့ မျှော်လင့်နေကြတယ်။

ကဲ သင်မှာ အဲ့ဒီလို ချစ်သူမျိုး ရှိနေပြီလား ?
ဒါဆိုရင်တော့ ဂရုစိုက်ဖို့ မမေ့ပါနဲ့ …

” ပါးစပ်ပါလို့ ပြောတတ်ရုံနဲ့ ချစ်တတ်တယ် မထင်ပါနဲ့၊ ရင်ဘတ်ချင်း နားမလည်သရွေ့ ချစ်တယ် မမည်ပါဘူး ”

Source: Crd