ဇူလိုင်လ(၆)ရက်နေ့မှာတော့ ကောင်မလေးတွေ အသည်းစွဲ မင်းသား Woo Do Hwan က စစ်မှုထမ်းသွားပြီ ဖြစ်ပါတယ်။ ဒီအချိန်လေးအတွင်းမှာ သူ့ကို အလွမ်းပြေပြန်ကြည့်လို့ရအောင် သူ့ရဲ့အောင်မြင်ခဲ့တဲ့ ဇာတ်လမ်းတွေကို ဖော်ပြပေးလိုက်ပါတယ်နော်။

The Divine Fury

ဒီဇာတ်ကားလေးက ရုံတင်ခဲ့တာဖြစ်ပြီး မင်းသား Park Seo Joon နဲ့အတူ သရုပ်ဆောင်ထားတဲ့ သဘာဝလွန်ကားဖြစ်ပါတယ်။ Woo Do Hwan ကဒီကားထဲမှာ လူတွေရဲ့ အားနည်းချက်ကို မြင်နိုင်တဲ့အစွမ်းရှိပြီး အဲ့အစွမ်းကိုအသုံးချ အခွင့်ကောင်းယူတတ်တဲ့ Ji Shin ဆိုတဲ့နေရာကနေ သရုပ်ဆောင်ထားပါတယ်။ Woo Do Hwan ကို Villain အချောလေးအနေနဲ့ မြင်ရမှာပါ။

My Country

နန်းတွင်းဇာတ်ကားဖြစ်ပြီး Woo Do Hwan ရဲ့ ပထမဆုံး ရိုက်တဲ့ နန်းတွင်းကားလည်းဖြစ်ပါတယ်။ Nam Seon Ho ဆိုတဲ့နေရာကနေ သရုပ်ဆောင်ထားတာဖြစ်ပြီး ဖခင်ရဲ့နှိမ့်ချမှုတွေကြားက အာဏာတွေ၊ ရပိုင်ခွင့်တွေရဖို့ နန်းတွင်းအရာခံတစ်ယောက်ဖြစ်အောင်ကြိုးစားနေသူပါ။ ဒီကားထဲမှာ Woo Do Hwan ရဲ့ အမိုက်စား အက်ရှင်ဇာတ်ဝင်ခန်းတွေကို မြင်ရမှာပါနော်။

Tempted

ဒီဇာတ်လမ်းကတော့ လူငယ်ဆန်ဆန် အချစ်ကားလေးဖြစ်ပြီး Red Velvet ထဲက Joy နဲ့ သရုပ်ဆောင်ထားတာဖြစ်ပါတယ်။ ဒီကားထဲမှာ ကြည့်ကောင်းပြီး Bad Guy ဆန်ဆန် ပုံစံလေးကို တွေ့ရမှာပါ။

Save Me

တော်တော်များများကတော့ Woo Do Hwan ကိုဒီကားလေးနဲ့ စပြီး သိလာခဲ့တာပါ။ သူက ဒီကားထဲမှာ Seok Dong Chul ဆိုတဲ့ ကောင်လေးနေရာကနေ သရုပ်ဆောင်ထားတာပါ။ Woo Do Hwan ရဲ့တောက်ပတဲ့ အပြုံးတွေနဲ့ ဆွဲဆောင်မှုရှိတဲ့ သရုပ်ဆောင်ပုံတွေကို ဒီကားထဲမှာ ကြွေကြမှာပါ။

Mad Dog

ဒီကားကတော့ Woo Do Hwan ရဲ့ အောင်မြင်တဲ့ကားတွေထဲက တစ်ကားဖြစ်ပါတယ်။ ဉာဏ်ကောင်းပြီး အကြောက်အလန့်မရှိတဲ့ လူလိမ်တစ်ယောက်ဖြစ်ပြီး သူ့ရဲ့အကို သေဆုံးမှုကို ဖော်ထုတ်ဖို့အတွက် ထောက်လှမ်းရေးအဖွဲ့ထဲကို ဝင်ခဲ့ပါတယ်။ ဒီကားထဲမှာ သူ့ရဲ့ ဉာဏ်ကောင်းပြီး ခပ်မိုက်မိုက်ပုံစံလေးရယ် အဖွဲ့ခေါင်းဆောင်နဲ့ အချိတ်ဆက်မိမိ သရုပ်ဆောင်မှုတွေက ဒီကားကို အဆုံးထိဆက်တိုက် ဆက်ကြည့်အောင် ဆွဲဆောင်သွားမှာပဲ ဖြစ်ပါတယ်။

The King: Eternal Monarch

စစ်မှုမထမ်းခင် နောက်ဆုံးထွက်ရှိခဲ့တဲ့ ဇာတ်ကားဖြစ်ပြီး ကိုယ်ရံတော်လေးကို အကုန်လုံး ကြွေခဲ့ကြတဲ့ ဇာတ်လမ်းလေးဖြစ်ပါတယ်။ ဒီကားလေးကိုလည်း အလွမ်းပြေပြန်ကြည့်လို့ ရတာပေါ့နော်။

Woo Do Hwan စစ်မှုထမ်းနေတဲ့ အချိန်တွင်းမှာ သူ့ဇာတ်လမ်းလေးတွေကြည့်ပြီး အလွမ်းဖြေရအောင်နော်။