နိုဝင်ဘာ ၁၀ ရက်နေ့မှာတော့ Jihyo နဲ့ Kang Daniel တို့ဟာ လမ်းခွဲဖြတ်စဲလိုက်ကြပြီဖြစ်ကြောင်း ကိုရီးယားမီဒီယာတွေမှာဖော်ပြခဲ့ပါတယ်။ Dispatch ရဲ့ဖော်ပြချက်အရ သူတို့နှစ်ဦးဟာ များပြားလှတဲ့ အလုပ်အချိန်ဇယားတွေကြောင့် တစ်ယောက်နဲ့တစ်ယောက်အချိန်မပေးနိုင်လို့ လမ်းခွဲလိုက်ကြတာပါတဲ့။

အဲ့ဒီနောက်မှာတော့ TWICE အဖွဲ့ခေါင်းဆောင် Jihyo ရဲ့ အေဂျင်စီဖြစ်တဲ့ JYP Entertainment ဘက်ကလည်း “ သူတို့နှစ်ဦးဟာ လမ်းခွဲလိုက်ကြတယ်ဆိုတာအမှန်ပဲ” လို့အတည်ပြုခဲ့ပါတယ်။

Kang Daniel နဲ့ Jihyo တို့ဟာ၂၀၁၉ ခုနှစ်သြဂုတ်လမှာ သူတို့နှစ်ဦးရဲ့ ဆက်ဆံရေးကို လူသိရှင်ကြားချပြခဲ့ကြတာဖြစ်ပြီး ချစ်သူသက်တမ်း တစ်နှစ်ကျော်အကြာမှာ အခုလိုလမ်းခွဲလိုက်ကြတာပဲဖြစ်ပါတယ်။